Jastar ózderin damytýǵa kúsh jumsaýy tıis - ǵalym
«Qazirgi tańda memleket jas urpaqtyń áleýmettik, zııatkerlik, mádenı jáne ekonomıkalyq áleýetin júzege asyrý úshin jaǵdaı jasaý maqsatynda sharalar, baǵdarlamalar júıesin usynady. Búginde sońǵy býyn jańa talaptarǵa beıimdelip, eńbek, saıası jáne quqyqtyq ómir súrý salalaryndaǵy bilim, normalar, qundylyqtar men dástúrler júıesin meńgerýi tıis. Qoǵamnyń damýynda jastardyń róli zor. Olar aqyldy, yntaly, jigerli býyn retinde qalyptasyp keledi. Osynyń arqasynda jastar qoǵamdy nyǵaıtý men jańǵyrtýdyń qozǵaýshy kúshi bolyp tabylady. Olardyń qoǵam ómiriniń barlyq salalaryna qatysý modeli ózgerdi. Jastar árbir ózgeristi, áleýmettik reformany qoldaıdy. Qazaqstan jastary - bul áleýmettik ózgeristerdiń mańyzdy sýbektisi. Dál solarmen reformalanǵan el bolashaqta múmkin bolatyn ózgeristerdi baılanystyrady», - dedi K.Qamzaeva.
K.Qamzaevanyń aıtýynsha, jastar ózin-ózi damytýǵa bar kúsh-jigerlerin jumsaýy tıis. Óıtkeni, jalpy memlekettiń damýy jastardyń umtylysyna baılanysty ekeni daýsyz. Elbasy Joldaýyn, júrgizilip jatqan reformalardyń mánin jáne olardyń Otanymyzdy órkendetý jolyndaǵy mańyzyn árbir qazaqstandyq jete túsinýi kerek. Elbasy 2019 jyldy «Jastar jyly» dep jarııalaýdy usyndy.
«Meniń oıymsha, bul óte jaqsy sheshim. Osy arqyly ol óziniń jastarǵa, bizge degen úlken senimin kórsetip otyr. Jastardyń eńbekteýine barynsha jaǵdaı jasalýda. Men ustaz retinde Elbasy bastaýymen qolǵa alynyp jatqan baǵdarlama men reformalardyń barlyǵyn qoldaımyn. Memleket basshysy muǵalimderdiń mártebesin kóterý, biliktilikterin arttyrý, eńbekaqy, kadrlardy daıarlaý máselelerine toqtalyp, olardyń tóńireginde qalyptasqan ahýaldar jaıynda dóp basyp aıtty. Eńbekaqynyń kóbeıtilýi týraly jańalyqty ustazdar qaýymy qýana qabyldaǵany ras. Búgingi ustazdarǵa qoıylatyn talap - zamanaýı suranystarǵa saı bolý. Jańa tehnologııany meńgergen, kásibı deńgeıi qalyptasqan, jan-jaqty damyǵan, saıası saýatty, rýhanı baı ustazdar jeterlik», - dedi ǵalym.