Jastar Otan aldyndaǵy jaýapkershilikti sezinýleri tıis-Jabal Erǵalıev
«Qazaqstan Respýblıkasynyń Prezıdenti Nursultan Nazarbaevtyń ár Joldaýynyń tarıhı mańyzy bar. Alaıda búgingi Joldaýdyń qazaqstandyqtardyń ál-aýqatynyń ósýine, tabys pen turmys sapasyn arttyrýǵa mán beriliýmen qundy ekendigin aıtqym keledi.
Biz el táýelsizdiginiń shırek ǵasyrdan astam kezeńinde ózimizdiń ishki jáne syrtqy saıasatymyzdy aıqyndap, álemniń abyroıly memleketteriniń biri bolyp otyrmyz. Munyń bári de aqıqat bolǵanymen, ómir de, álemniń damýy da bir orynda turmasy anyq. Álem búgingi kúni Elbasy atap kórsetkenindeı qarqyndy túrde ózgerip keledi. Kún saıyn óndiriske de, ómirge de jańalyqtar batyl enip jatyr. Tipti robottandyrý men avtomattandyrý Adam balasyn jańasha oılaýǵa májúbúr etkendeı», -deıdi J.Erǵalıev.
Sonymen qatar, ol Elbasy óz Joldaýynda halyq tabysynyń ósýin, turmys sapasyn arttyrý, ómir súrýge jaıly orta qalyptastyrýǵa aıyryqsha mán berip otyrǵandyǵyn atap ótti.
«Elbasy qashan bolsyn, jastarǵa úlken senim artyp, qoldap kele jatqany bar. Muny osy joly da anyq tanı túsindik. Ásirese, kelesi jyldy «Jastar jyly» dep jarııalaýy kóńilden shyǵady. Alaıda osy oraıda «Jastar jylyn» qur dańǵazalyqqa aınaldyryp almaýǵa tıistimiz. Jastar jylynda menińshe jastardyń eń áýeli óz Otany aldyndaǵy jan-jaqty jaýapkershiligin sezine túsýge mán berilýi kerek. Jastar óz ata-anasy, úlken men kishiniń, óz eli men jeri, óz tili men óz salt-dástúri aldyndaǵy jaýapkershilikterin biletindeı tárbıe besiginen ótýge tıisti.
Joldaýda el aldyndaǵy mindetterdi oryndap shyǵý úshin el birliginiń qajettiligine taǵy da mán berilgen. Sondyqtan da, bizdiń bárimiz eldiń birligi men tynyshtyǵy úshin, memleketimizdiń qýatty bola túsýi úshin jáne de óz ál-aýqatymyzdyń jaqsara túsýi úshin aıanbaı qyzmet etýimiz kerek», - dep qorytyndylady J.Erǵalıev.