Jastar órt oshaǵy mańyndaǵy 4 aýylda 300 adamǵa túski as berdi

SEMEI. QazAqparat - Respýblıkalyq jastar uıymdary Abaı oblysyndaǵy orman órtteriniń saldaryn joıýǵa óz úlesterin qosyp jatyr, dep habarlaıdy QazAqparat.

Aqparat jáne qoǵamdyq damý mınıstrliginiń málimetinshe, respýblıkalyq jastar uıymdarynyń ókilderi zardap shekken aýdandardyń turǵyndary men qutqarýshylarǵa gýmanıtarlyq kómek kórsetý úshin Abaı oblysyndaǵy eldi mekenderge barǵan.

«Qazaqstan stýdentter Alıansy óńirdegi órtterdi joıýmen kúresip jatqan azamattarǵa kómek kórsetý úshin qarajat jınaýdy uıymdastyrdy.

Sonymen qatar Ýspen, Ozerka, Talıtsa jáne Borodýlıha aýyldarynda 300 adamǵa arnalǵan túski as berdi», - dep jazdy mınıstrlikten.

Abaı oblysyndaǵy zardap shekken aýyldardyń turǵyndaryna qoldaý jumystaryna jastar uıymdary belsendi túrde aralasty, aımaqtaǵy eriktiler shtaby, jastar belsendileri de sonda júr. Jastar uıymdarynyń belsendileri men volonterler Aqparat jáne qoǵamdyq damý mınıstrliginiń úılestirýimen jumystaryn jalǵastyryp jatyr.