Jastar qozǵalysy Astana dúkenderinde reıd ótkizip júr

ASTANA. QazAqparat – «Jańa Adamdar» jastar qolǵalysynyń belsendileri Astana qalasyndaǵy azyq-túlik dúkenderi kámelet jasyna tolmaǵan balalarǵa ishimdik satýǵa bolmaıtyny týraly zań talabyn qanshalyqty oryndap júrgenin tekserý úshin reıd bastady, dep habarlaıdy QazAqparat tilshisi.

Belsendiler teksergen 22 dúkenniń jeteýi 17 jastaǵy qyzdyń qujatyn suramastan, spırt ónimderin satqan. Belsendiler zańsyzdyq tirkelgen sátti taspaǵa túsirip otyrǵan. Beınejazbalardan dúken ıeleri men satýshylardyń biri qateligin moıyndap keshirim surasa, keıbiri túkpirge boı tasalap, shyqpaı qoıǵanyn kórýge bolady. Jastardyń bastamasyna túsinistikpen qaramaǵan dúkenderge polıtsııa qyzmetkerleri shaqyrtylyp, qujat toltyrylǵan.

«Reıd kezinde satyp alynǵan ishimdik ónimderi dúken ıelerine qaıtarylady. Bul joly keshirim surap qutylǵan dúken ıeleri kelesi joly da zańsyzdyqtyń qaıtalanýyna jol berse, azamattyq narazylyqtyń barlyq zańdy tásilderimen saýda núktesiniń jabylýyna kúsh salamyz.

Bizdiń mindetimiz –satýshylar men dúken ıelerine Jańa Qazaqstanda zań boıynsha ómir súrý mańyzdy ekenin túsindirý», - deıdi reıdti uıymdastyrýshylar.