Jastar Qazaqstandaǵy beıbitshilikti saqtaýdaǵy óz jaýapkershilikterin sezinýleri tıis - soǵys ardageri Qadan Bekenov
«Bıyl elimizde Uly Otan soǵysynyń aıaqtalǵanyna 70 jyl tolýyna oraı birqatar iri-iri sharalar ótetinin bilemiz. Osynaý ataýly kúnde bizdi umyt qaldyrmaı, árdaıym qurmettep otyratyny qýantady. Qazir men 90 jasqa keldim, sondyqtan alys jaqtarda ótetin is-sharalarǵa barýǵa shama joq, degenmen qaladaǵy merekelik sharalarǵa baryp turýǵa tyrysamyn. 2004 jyly biz Belarýs eline taban tirep, ózimizdiń Dańq memorıalyn kórip qaıtqanbyz», - deıdi ardager.
Q. Bekenov túrli maıdandarǵa qatysyp, Berlınge deıin jetken. Ol Ońtústik-Batys jáne Birinshi Belarýs maıdandarynda soǵysty. Kórsetken erligi úshin túrli medaldarmen marapattalǵan.
«Búginde elimizdiń ekonomıkasy qarqyndy damýda, halyqtyń turmysy jaqsarýda, osynyń barlyǵy turaqtylyq pen tynyshtyqtyń arqasynda. Jastar Qazaqstandaǵy beıbitshilikti saqtaýdaǵy óziniń jaýapkershilikterin sezinýleri tıis», - dedi Q.Bekenov.