Jastar eldegi áleýmettik jaǵaılarǵa beı-jaı qaramaıdy – praımerız qatysýshysy

QOSTANAI. QazAqparat – «Nur Otan» partııasynyń praımerızine qatysýshy, Qostanaıdaǵy «Mıras» mádenıet saraıynyń dırektory Mádı Nurmuhambetov jastardy qoǵamnyń damýyna atsalysýǵa shaqyrdy, dep habarlaıdy QazAqparat.

«QR Prezıdenti Qasym-Jomart Toqaev bıylǵy Joldaýynda azamattyq pozıtsııasy bar jastardy osy qoǵamǵa beıimdeýdiń, keleshekte otanyna barynsha adal qyzmet etýdiń mańyzdylyǵyn aıtty. Bul jalyndy jastarǵa úlken serpin berdi. Ras, jastar qoǵamdaǵy áleýmettik jaǵdaılarǵa beı-jaı qaramaıdy. Menińshe, partııa praımerızine qatysqan ár adam eldiń ıgiligi úshin jumys isteýge ázir», - dedi Mádı Nurmuhambetov.

Mádı Nurmuhambetov partııaishilik saılaýdyń pikirtalas kezeńinde mádenıet jáne sport taqyrybyna ekpin túsirý qajettigin aıtty. Óner salasynda júrgen oǵan óńirdiń áleýmettik turǵyda damyǵany mańyzdy. Mádı Meıramhanulynyń depýtattyq qyzmeti 2018 jyly Meńdiqara aýdanynda bastalǵan. Ol 6 shaqyrylymnyń depýtaty bolyp saılanyp, áleýmettik máseleler boıynsha turǵyndarmen jıi kezdesken.

«Qazaqstannyń kórkeıýine úles qosyp júrgen jastardyń sportqa beıim bolǵanyn qalar edim. Sol úshin de sport ınfraqurylymyn nazarǵa alý qajet. Óner salasy da osylaı. Biz «Mıras» mádenıet saraıy janynan shyǵarmashylyq úıirmelerin ashyp, jastarǵa barlyq jaǵdaı jasap kelemiz. Tótenshe jaǵdaı bastalǵan sátte óńir ónerpazdarymen birigip, eńsesi túsken jurttyń kóńilin kóterip, rýhanı kúsh syılaýǵa tyrystyq. Mádenıettiń, bilimniń, sporttyń damýy –eldiń damýy. Onyń bel ortasynda jastar júrýi tıis. Sondyqtan, Qazaqstannyń jarqyn bolashaǵy tek bilimdi jastarmen ǵana qalyptaspaq», - dep túıindedi sarapshy.

Eske salaıyq, búgin Qostanaıda Nur Otan partııasy praımerıziniń daýys berý kezeńinde 1 500-den astam partııa múshesi óz tańdaýyn jasady.