Jastar azamattyq boryshyn qandaı áskerde ótkergisi keledi

ASTANA. QazAqparat – Qazaqstan jastarynyń kópshiligi azamattyq boryshyn desanttyq-shabýyldaýshy áskerde jáne Memlekettik kúzet qyzmetinde ótkergisi keledi. Bul týraly Qarýly kúshter Bas shtabynyń uıymdastyrý-jumyldyrý jumystary departamentiniń bastyǵy Baýyrjan Artyqov aıtty, dep habarlaıdy QazAqparat tilshisi.

«Eń aldymen desanttyq-shabýyldaýshy ásker men Memlekettik kúzet qyzmeti óte tanymal. Keıbireýleri Shekara qyzmeti bólimsheleriniń áskerı bólimi ornalasqan óńirlerde áskerı boryshyn óteýdi qalaıdy. Máselen, Shyǵys jáne Ońtústik óńirlerde. Negizinen jastardyń basym bóligi desantshy nemese teńiz jaıaý áskeri bolǵysy keledi», - dedi Baýyrjan Artyqov Ortalyq kommýnıkatsııalar qyzmetindegi brıfıng barysynda BAQ ókilderiniń saýalyna oraı.

Al Qorǵanys mınıstriniń orynbasary Darhan Ahmedıev ózge de áskerı bólimderde boryshyn óteýge tyrysatyn jastardyń bar ekendigin aıtady.

«Bizde jıi shyǵyp, merzimdi qyzmet jaýyngerlerimen áńgimelesip turamyz. Ózi qalaǵan ásker túrine maqsatty túrde barǵysy keletinder de bar. ıAǵnı, bári de jeke adamnyń qalaýyna baılanysty. Jalpy, mundaı trendtiń bar ekendigi sózsiz», - dedi mınıstr orynbasary.