Jastar arasyndaǵy jumyssyzdyqty azaıtý máselesi mańyzdy- Erasyl Tólebaev
«Memleket basshysy Qasym-Jomart Toqaev jastar arasyndaǵy jumyssyzdyqty joıý, aldaǵy 5 jylda Qazaqstanda bedeldi degen halyqaralyq 5 JOO fılıalyn ashý, halyq tyǵyz ornalasqan óńirlerdiń jastaryna granttar bólý, áskerı boryshyn óteýge yntalandyrý, «Jastar praktıkasy» jáne «Alǵashqy jumys orny» jobalaryna qatysý merzimin uzartý, «Eńbek» memlekettik baǵdarlamasy aıasynda tıisti grantty 400 AEK-ke deıin ulǵaıtý boıynsha Úkimetke birqatar tapsyrmalar berdi. Bul jastarǵa berilgen úlken múmkindik» - deıdi ol.
Sondaı-aq jastar arasyndaǵy jumyssyzdyq deńgeıin tómendetý boıynsha Túrkistan oblysynda birshama jumystardyń josparlanyp otyrǵandyǵyn jetkizdi.
«Jas kásipkerlerdi qoldaý jáne NEET sanatyndaǵy jastardyń úlesin qysqartý maqsatynda oblystyq «Turkistan startup weekend» úzdik ınnovatsııalyq jobalar baıqaýyn ótkizý josparlanýda. Joba arqyly Túrkistan oblysy boıynsha NEET sanatyndaǵy (ne ju¬mys istemeıtin, ne oqymaı¬tyn, ne ózge de istermen aınalys¬paıtyn adam) jastardyń úlesin 7,0 paıyzǵa, jastar arasyndaǵy jumyssyzdyq deńgeıiniń 3,4 paıyzǵa tómendetý josparlanýda. Jalpy bul joba oblys jastarynyń kásipkerlikke degen qyzyǵýshylyǵynyń joǵary bolǵandyǵynan jyl saıyn turaqty túrde jalǵasyp keledi» -deıdi ol.
Bylǵy jyly Túrkistan oblysynda kásipkerlik salasynda júzege asqaly otyrǵan taǵy bir úlken jobanyń biri - «Turkistan HUB» kreatıvti ındýstrııaǵa arnalǵan kásipkerlerdi qoldaý. Bul joba jastardy eńbek naryǵynyń qajettilikteri týraly habardar etýge baǵyttalǵan. Jastar bastamalaryn qoldaý jáne mentorlyq súıemeldeý boıynsha kásipti jetildirý arqyly jastardyń áleýmettik belsendiligi arttyrylmaq.
«Jastardyń bos ýaqytyn tıimdi paıdalaný maqsatynda aqpan aıynan bastap ortalyqta birqatar úıirmeler óz jumystaryn bastaıdy. Olardyń ishinde dombyra, sýret salý úıirmesi, «Jas qadam» eriktiler mektebi, jeke tulǵalyq damý kýrsy, jas oratorlar men júrgizýshiler úıirmesi, «Baqyt» ózin-ózi damytý mektebi, aǵylshyn tili kýrsy, mobılografııa kýrsy, bı úıirmesi bar. Aldaǵy ýaqytta da jumys aýqymyn keńeıtemiz. Prezıdentimiz aıtqan basymdyqtardy jastar arasynda belsendi túrde iske asyramyz – deıdi Erasyl Áshirbaıuly.
Sondaı-aq, jas kóshbasshy búginde mektep bitirýshi túlekterdiń de mamandyq tańdaýy asa mańyzdy jaıt, dep esepteıdi.
«Prezıdentimiz aldaǵy 5 jylda Qazaqstanda bedeldi degen halyqaralyq 5 JOO fılıalyn ashý kerektigin aıtty. Sondaı-aq, onyń ekeýi tehnıkalyq bolý kerektigine basymdyq berdi. Shynynda, búgingi kúni álemde tehnıkany meńgerý isi qatty damyp keledi. Sondyqtan jastar da mamandyqty durys tańdaýy qajet. Biz bul baǵytta túlektermen kezdesýler ótkizip, túrli is – sharalardy uıymdastyratyn bolamyz – deıdi ol.