Jastar arasyndaǵy máselelerdi tıimdi sheshýge erekshe mán berý kerek - depýtat

NUR-SULTAN. QazAqparat – Elimizdegi qańtar oqıǵasy jastar arasynda shuǵyl sheshimdi qajet etetin problema bar ekenin kórsetti. Bul týraly «Jastar: ózekti másele» saraptama alańynda Májilis depýtaty Vera Kım aıtty, dep habarlaıdy QazAqparat tilshisi.

«Qańtar oqıǵasyna baılanysty máselelerdi aınalyp ótýge bolmaıdy. Atap aıtqanda, qańtar oqıǵasy qazirgi kezde jastar arasynda shuǵyl sheshimdi qajet etetin problemalar bar ekenin aıqyn kórsetti. Bul máselede memlekettik organdar, memlekettik qurylymdar, sondaı-aq baǵdarlamalardyń belgili bir túrleri keı jaǵdaıda shapshań bolmaı jatatynyn túsinemiz. Osyǵan baılanysty barynsha ıkemdi bolyp, jastar máselesin sheshý jolynda tıisti qajettilikterge sáıkes, atalǵan baǵdarlamalardy qanshalyqty qajetti ári tıimdi ekenin pysyqtaý kerek», - dedi V. Kım «NEET sanatyndaǵy jastar: áleýmettený máseleleri men olardy sheshý joldary» taqyrybynda ótken otyrysta.

Osy oraıda depýtat naqty mysaldarǵa jeke toqatalyp ótti.

«Eger jastardyń biliktiligin kóterýge toqtalsaq, bizde daıarlanǵan standartty baǵdarlamalar bar. Olar boıynsha jańa mamandyq berý, qosymsha oqytý júrip jatyr. Bul rette jyl saıyn qandaı da bir taldaýdy, zertteýdi júrgizý kerek bolar. ıAǵnı, «bul kásipter men mamandyqtar kerek pe, jastardyń arasynan qaı bóligi jumysqa ornalasty» degen saýaldarǵa jaýap berilýi kerek. Atap aıtqanda, tıisti mamandyqtar boıynsha oqyǵan jastar jumysqa ornalasa almasa, óńirlerde basqa baǵytta oqytýǵa, biliktilikti suranysqa ıe kásipter boıynsha arttyrý kerek ekenin eskergen jón», - dedi Májilis depýtaty.