Jastar arasyndaǵy ACh: boksshy Sanjar Tashkenbaı fınalǵa shyqty
18:48, 25 Tamyz 2021
NUR-SULTAN. QazAqparat – Qazaqstandyq boksshy Sanjar Tashkenbaı Dýbaıda (BAÁ) jasóspirimder men jastar arasyndaǵy bokstan Azııa chempıonatynyń jartylaı fınalynda óner kórsetti, dep habarlaıdy QazAqparat Sports.kz-ke silteme jasap.
Jastar týrnırinde (2003-2004 jylǵylar arasynda) 48 kılogramǵa deıingi salmaqta Tashkenbaı ózbek Mýhammadkodır Mamırjonovpen aıqasty. Jekpe-jekte tóreshilerdiń biraýyz sheshimimen qazaqstandyq jeńiske jetti.
Osylaısha, Sanjar Tashkenbaı týrnırdiń fınalyna shyǵyp, aldaǵy ýaqytta «altyn» úshin aıqasady. Ol, sonymen qatar álem chempıony ekenin qosa keteıik. Jastar týrnırimen birge Dýbaıda jasóspirimder birinshiligi ótýde – onda 2005-2006 jylǵy boksshylar óner kórsetýde, bul týrnırde qazaqstandyq sportshylar barlyq salmaq dárejesinde básekelesip jatyr.