ASTANA. KAZINFORM — Iordanııa astanasy Amman qalasynda ótip jatqan jastar arasyndaǵy Azııa chempıonatynda qazaqstandyq erkin kúres sheberleri komandalyq esepte úzdik atandy.
Qurlyqtyq dodada qazaqstandyq balýandar úsh altyn, tórt kúmis, eki qola medal aldy.
El quramasynan Erbol Kamalıev (55 keli), Nursultan Bazarbaev (63 keli), Mereı Máýlitkanov (72 keli) chempıondyq tuǵyrǵa kóterildi.
Ekinshi orynǵa Dıas Áskerbaı (67 keli), Rasýl Jýnıs (77 keli), Almır Tólebaev (82 keli) jáne Maqsat Saılaý (87 keli) taban tiredi.
Úzdik úshtikti Baqdáýlet Azamat (97 keli), Asylbek Jánibekuly (130 keli) túıindedi.
Eske salsaq, erkin kúresten 17 jasqa deıingi jasóspirimder arasynda qazaqstandyq balýandar komandalyq esepte úshinshi oryn aldy.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.