Jasotandyqtar Prezıdenttiń bilim berý sapasy týraly bastamasyn qoldady
«Búgin el Prezıdentiniń joldaýy jarııalandy. Negizgi nazar qoljetimdi jáne sapaly bilim berýge, sondaı-aq óskeleń urpaqty mádenı, sporttyq paıdaly oqytýǵa aýdaryldy. Biz Almatynyń jastar megapolısi ekenin bilemiz. Bizde sport sektsııalary men arnaıy úıirmeler óte kóp. Meniń oıymsha, osy jobalar aıasynda «Nur Otan « partııasynyń jastar qanaty retinde, bul jumysty jastardyń barlyq toptaryn áleýmettendirý úshin kúsheıtetin bolamyz», - dep túsindirdi Mádı Ahmetov.
Sonymen qatar, ol Qasym-Jomart Toqaev búgingi Joldaýynda jas ǵalymdarǵa erekshe nazar aýdarǵanyn aıtty.
«Prezıdenttiń jas ǵalymdarǵa arnaıy tapsyrma berip, jyl saıyn 500-den astam ǵalym álemniń eń úzdik ǵylymı ortalyqtarynan tegin tájirıbe almasýǵa baratynyn aıtty. Sonymen qatar, jyl saıyn myń ǵalymǵa arnap arnaıy zertteý granttaryn bólý týraly sheshimi memlekettiń jas ǵalymdardy qoldaýǵa kórsetip otyrǵan úlken demeýi dep aıtar edim. Osy baǵyt boıynsha tapsyrmalardy oryndaýǵa «Jas Otan» jastar qanaty retinde óz úlesimizdi qosýǵa árdaıym daıyn», - deıdi Mádı Ahmetov.