Jasotandyqtar Arystaǵy jarylystan zardap shekkenderge bir kúndik jalaqylaryn aýdarady
Bul jaıly «Nur Otan» partııasy janyndaǵy «Jas Otan» Tóraǵasy Dáýlet Káribek Facebook-tegi paraqshasynda jazdy.
Sonymen qatar jastar elimizdiń barlyq aımaqtarynda gýmanıtarlyq kómek kórsetý qosyndaryn uıymdastyryp jatyr.Olardyń ornalasqan jeri men jaýapty adam jaıly aqparatty uıymnyń Facebook-tegi resmı akaýntynan alýǵa bolady. Uıymdastyrýshylar kómektesemin deýshilerden eń birinshi kezekte gıgıenalyq zattar, konserviler, uzaq saqtalatyn taǵamdar, kıimder, kórpeler ótkizýin suraıdy.
Shymkent qalasynda jasotandyqtar volonterlyq kómek kórsetip, evakýatsııalyq jınalý pýnkterinde azamattardy tirkeý jumystaryna jáne olardyń ornalasýyna jaǵdaı jasaýda. Shymkentte kómek kórsetemin deýshiler Arman 8 771 891 1117, Juldyz 8 747 565 1554 nómirlerine habarlasa alady.