Jasóspirimderdiń IV qysqy Olımpıadasyna Qazaqstannan qansha adam barady

<p>QR Ulttyq olımpıadalyq komıteti 2024 jyldyń 19 qańtary men 1 aqpany aralyǵynda Ońtústik Koreıanyń Kannyn qalasynda ótetin jasóspirimderdiń IV qysqy Olımpıadasyna el quramasy qansha joldama alǵanyn jarııalady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

Atalǵan komıtet atap ótkendeı, qazaqstandyq sportshylar jarysqa qarqyndy daıyndalyp jatyr.

«Qazirgi tańda Qazaqstan jasóspirimder quramasynyń qorjynynda bıatlon, konkımen júgirý, short-trek, kerlıng, shaıbaly hokkeı, shańǵy jarysy, shańǵymen tramplınnen sekirý, shańǵy qossaıysy, taý shańǵysy, frıstaıl, parallel mogýl túrinen 30 joldama bar», - delingen habarlamada.

Sondaı-aq, joldama sany áli de tolyǵýy múmkin ekenin de atap ótken. Sebebi, jasóspirimder Olımpıadasyna lıtsenzııa beretin jarystar áli aıaqtalmaǵan.

Aıta keteıik, IV qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy Gangneuung Oval sport kesheninde ótse, Oıyndardyń jabylý saltanaty 2024 jyldyń 1 aqpanynda Gangneung Olympic Park sport kesheninde uıymdastyrylady, dep josparlanǵan.

Al jalpy atalǵan Olımpıadaǵa jer-jahannyń 70 elinen keletin 1800 (950 ul, 950 qyz) sportshy qatysady dep kútilýde. Sporttyń 7 túrinen 15 dıstsıplına boıynsha 81 medal jıyntyǵy sarapqa salynady.

Jasóspirimder Olımpıadasy osymen tórtinshi ret ótkeli otyr.