Jasóspirimder Olımpıadasy: Qorjynymyzda qansha joldama bar

<p>Qazaqstandyq sportshylar 2024 jyldyń 19 qańtary men 1 aqpany aralyǵynda Ońtústik Koreıanyń Kanvondo provıntsııasyndaǵy Kannyn qalasynda jalaýy jelbireıtin IV Qysqy Jasóspirimder Olımpıadasyna qazirge deıin qansha joldama alyp úlgergeni belgili boldy, dep habarlaıdy <a href="Kazinform" target="_blank" rel="noopener">Kazinform</a>.</p>

QR Týrızm jáne Sport mınıstrliginiń baspasóz qyzmeti taratqan málimetke kóz jibersek, Kanvondodaǵy IV qysqy jasóspirimder Olımpıadasyna Qazaqstan jasóspirimder quramasynyń qorjynynda ázirge sporttyń 5 túrinen (bıatlon, konkımen júgirý, short-trek, kerlıng, shaıbaly hokkeı) 17 joldama bar. Aldaǵy ýaqytta lıtsenzııalar sany taǵy da tolyǵady dep kútilýde.

Al jalpy atalǵan Olımpıadaǵa jer-jahannyń 70 elinen keletin 1800 (950 ul, 950 qyz) sportshy qatysady dep kútilýde. Sporttyń 7 túrinen 15 dıstsıplına boıynsha 81 medal jıyntyǵy sarapqa salynady.

Aıta keteıik, IV qysqy jasóspirimder Olımpıadasynyń ashylý saltanaty 2024 jyldyń 19 qańtarynda Kannyndaǵy «Gangneuung Oval» sport kesheninde ótse, Oıyndardyń jabylý saltanaty 2024 jyldyń 1 aqpanynda «Gangneung Olympic Park» sport kesheninde uıymdastyrylady dep josparlanǵan.

Esterińizge sala keteıik, osyǵan deıin Jasóspirimder qysqy olımpıadasy ótetin Kanvondo qalasy týrısterdi nesimen qyzyqtyratyny týraly jazǵan bolatynbyz.