Jasóspirimder qysqy olımpıadasy ótetin Kanvondo qalasy týrısterdi nesimen tartady

<p>19 qańtardan 1 aqpanǵa deıin Ońtústik Koreıanyń Kanvondo provıntsııasynda 2024 jylǵy qysqy jasóspirimder olımpıadasy ótedi. Buǵan deıin <a href="https://kaz.inform.kz/" target="_blank" rel="noopener">Kazinform</a> agenttiginiń tilshisi mańyzdy sporttyq is-sharaǵa daıyndyq barysymen tanystyrǵan bolatyn. Bul joly Olımpıada kezinde provıntsııanyń kórikti jerleri týraly jazamyz.</p>

Kanvondo - Koreıa Respýblıkasyndaǵy provıntsııa, ákimshilik ortalyǵy Chýnchhon qalasynda ornalasqan. Provıntsııa 7 qala men 11 ýezge bólingen. 2024 jylǵy qysqy jasóspirimder olımpıadasy provıntsııanyń tórt qalasy men ýezinde ótedi: Phenchhan, Kannyn, Chonson jáne Hengson.

«Kanvon» - koreı tilinen aýdarǵanda «aspannan túsken tiri jer» degendi bildiredi. Bul termın provıntsııaǵa birneshe ǵasyr buryn berilgen jáne búgingi kúnge deıin onyń tabıǵı erekshelikterin kórsetedi. Kanvondo aýmaǵynyń 80%-dan astamy taý men orman. Atalǵan meken óziniń keremet tabıǵı peızajdarymen jáne kórikti jerlerimen tanymal.

Provıntsııada barýǵa bolatyn qyzyqty oryndardyń biri - áıgili Voldjongsa býdda hramy.

Foto: Danıra Iskakova/Kazinform

Qasıetti ǵıbadathanany 643 jyly monah Sılla Djadjan salǵan. Bul jer shyrsha ormanymen tanymal. Ormandaǵy aǵashtardyń bıiktigi 30 metrden asady.

Ǵıbadathana tarıhy kóneden syr shertedi jáne kelýshilerdi sulýlyǵymen ózine tartady.

Foto: Danıra Iskakova/Kazinform

Kóptegen mádenı mura nysandary, sonyń ishinde segiz qyrly 9 qabatty tas pagoda (48 ulttyq qazyna) jáne Bodhısattva ulttyq qazyna bar. Provıntsııada qazirgi zamanǵy ónerdiń jumbaq álemine esik ashatyn DEEP DIVE murajaıy bar. Ony «jumbaq álemge saıahat» deýge bolady. Bul 2021 jyldyń jeltoqsanynda Kannende esigin ashqan zamanaýı týrıstik oryn. Murajaıda áserli vızýaldy jáne dybystyq effektilerdi, aınalar men hosh ıisterdi qoldana otyryp jasalǵan medıa-ónerdiń biregeı kórmesi bar. Munda kelýshiler qyzyqty atmosferaǵa enedi, óıtkeni keńistik «Gúlder», «tolqyn», «jaǵajaı» taǵy sol sııaqty 12 taqyryptyq aımaqqa bólingen. Bul oryn qonaqtardy erekshe ártúrli hosh ıisimen tańǵaldyrady.

Eger siz ádebı muraǵa qyzyǵýshylyq tanytsańyz, Ho Gıýn men Ho Nansolhon memorıaldyq saıabaǵy baryńyz. Kannyndaǵy saıabaq Ho Gıýn jáne Ho Nansolhon aǵaly-qaryndasty jazýshylardyń qurmetine ashylǵan. Úlken aǵasy Ho Gıýn tarıhta óziniń ornyn Chýson áýleti dáýirindegi alǵashqy koreı romanyn jazdy. Onyń qaryndasy Ho Nansolhon áıelder arasyndaǵy eń uly jazýshy retinde tanylǵan. Saıabaqqa memorıaldyq zal, sondaı-aq dástúrli shaı ortalyǵy bar.

Magııa kóshesi - Kannyn qalasynyń ortalyǵy arqyly ótetin qaraýsyz qalǵan temirjol ornynda salynǵan mádenı-saıabaq qurylymy. Kannyn jońǵan bazarynyń janynda ornalasqan, bul kóshe óziniń taǵamdarymen tanymal jáne zamanaýı keń býlvarlarda jaıbaraqat serýendeýge tamasha oryn.

Sonymen qatar, halyq arasynda Magııa kóshesi óziniń romantıkalyq atmosferasymen kelýshilerdi tartady.