Jasóspirimder Azıadasy: Qazaqstan quramasyndaǵy eki dzıýdoshy altyn medal aldy

ASTANA. KAZINFORM — Qazaqstan quramasyndaǵy dzıýdoshylar Erken Bekáli men Fatıma Supyǵalıeva  Manamada (Bahreın) ótip jatqan jasóspirimder Azıadasynda altyn medal jeńip aldy. Bul týraly Ulttyq olımpıadalyq komıtet habarlady.

Foto: Qazaqstan UOK

Dzıýdoshy Erken Bekáli 66 kelige deıingi salmaqtyń fınalynda qarsylasynan basym tústi. Bekáli sheshýshi beldesýde Aýǵanstan sportshysy Bashır Kadırıden aılasyn asyrdy.

Foto: Arlan Oljabaı, Qazaqstan UOK

Al Fatıma Supyǵalıeva 52 kelige deıingi salmaqta top jardy. Fatıma aqtyq synda Mılena Borýbolotovamen (Qyrǵyzstan) ózara myqtyny anyqtady.

Nátıjesinde qazaqstandyq balýan ıppon ádisimen jeńiske jetti.

Foto: QR UOK

Buǵan deıin Qazaqstan quramasynan bes dzıýdoshy Azııa oıyndarynyń fınalyna shyqqanyn jazǵan bolatynbyz.

Ádiljan Nurbeken dzıýdodan jasóspirimder Azıadasynda chempıon atandy.

Abdýlla Batyrbek Azııa oıyndarynda djıý-djıtsýdan qarsylas shaq keltirmedi.