Jasóspirimderdi jumyspen qamtý úshin arnaıy aktsııa uıymdastyrylady

NUR-SULTAN. QazAqparat - Polıtsııa esebinde turǵan jasóspirimderdiń bos ýaqytyn durys ótkizý úshin jaz boıy «Jumyspen qamtý» aktsııasy ótedi, dep habarlaıdy QazAqparat tilshisi.

Ortalyq kommýnkatsııalar qyzmetinde ótken baspasóz máslıhatynda Іshki ister mınıstriniń orynbasary Marat Qojaev osyndaı jańalyq aıtty.

«Aqtsııany ótkizýge múddeli memlekettik organdar, úkimettik emes uıymdar, qoǵam belsendileri men buqaralyq aqparat quraldarynyń ókilderi atsalysady», - dedi Marat Qojaev.

Onyń aıtýynsha, aktsııa jazǵy demalys kezinde kámeletke tolmaǵandar tarapynan jasalatyn qylmystardyń aldyn alýǵa, quqyq qorǵaý organdarynyń esep, tizimderinde turǵan jasóspirimderdiń ýaqytyn tıimdi uıymdastyrýǵa baǵyttalmaq.

«Mundaı jetkinshekter bos ýaqytty uıymdastyrýdyń túrli nysandaryna jumysqa alynady. Aktsııa maýsym boıy júredi. Jazǵy demalys kezeńinde kámeletke tolmaǵandardyń qaýipsizdigin qamtamasyz etý boıynsha da birqatar qosymsha uıymdastyrýshylyq jáne praktıkalyq is-sharalar qabyldanady», - dedi Marat Qojaev.