Jasóspirimder olımpıadasy: 3 qazaqstandyq boksshy fınalǵa shyqty
QR Ulttyq olımpıadalyq komıtetiniń baspasóz qyzmetinen belgili bolǵandaı, asa aýyr salmaqtaǵy Damır Toıbaı (+91), Talǵat Shaıken (64) jáne Aıbek Oralbaı (91 keli) jartylaı fınaldaǵy qarsylastarynan basym túsip, Olımpıada oıyndarynyń fınalyna shyqty.
Jartylaı fınalda Oralbaı tóreshilerdiń biraýyzdan shyǵarǵan sheshimimen pýerto-rıkolyq boksshy Alvın Kanalesti jarys jolynan taıdyrsa, asa aýyr salmaqta judyryqtasatyn Damır Toıbaı da qarsylasynan basym túsip fınalǵa joldama aldy. Al Talǵat Sháıken qarsylasyn nokaýtqa túsirip, jeńil jolyn jalǵastyrýǵa múmkindik aldy.
Sondaı-aq, 75 kelige deıin judyryqtasatyn Nadejda Rıabets qola júlde úshin kúsh synaıtyn bolady.
Buǵan deıin habarlaǵanymyzbaı, 91 keliden joǵary salmaq dárejesindegi Damır Toıbaı samoalyq qarsylasy Tolaýa Týıgomalanyń jaraqatyna baılanysty jartylaı fınalǵa joldamany rıngke shyqpastan aldy. Al qyzdar arasyndaǵy aıqasta otandasymyz Jansaıa Ábdiraıymova (48-51 keli) amerıkalyq Destını Hıven Garsııaǵa tóreshiler sheshimimen 2:3 esebimen jol berip qoıdy.
Buǵan deıin 75 kelige deıingi salmaqta synǵa túsken Nadejda Rıabets shırek fınalda polshalyq Natalııa Gajevskaıany 5:0 esebimen jeńip, jartylaı fınalǵa ótken bolatyn.
Býenos-Aıres astanasy Argentınada ІІІ Jazǵy jasóspirimder olımpıadasy 6-18 qazan aralyǵynda ótedi. Oǵan 206 memleketten 4 myń sportshy qatysýda. Jarystar baǵdarlamasyna sporttyń dástúrli 28 túrinen bólek, sporttyq bıler (breık-dans), karate, taýǵa órmeleý, rolıkpen syrǵanaý qosylyp otyr.
Baıraqty dodada el namysyn 58 sportshy qorǵaýda.