Jasóspirimder eresek otandastaryn saılaýda daýys berýge úndedi
«Saılaý kúni daýys bermeı, úıde qalý, keıin ózgelerdi teledıdardyń aldyna otyryp alyp synaý ońaı bolyp kórinýi múmkin. Mundaı áreket moıyndaǵy jaýapkershilikten bosatatyn sııaqty kóringenimen, adam tabıǵatyn buzady. «Meniń qatysym joq. OLAR búldirdi» deıtin ustanym qolaıly bolǵanymen, Qazaqstandy qurdymǵa súıreıtin ádet. «OLAR» degen bolmaý kerek. «MEN» ǵana bar. Bizdiń bolashaǵymyz árdaıym búgin ne istegenimizge baılanysty», - deıdi beınerolıktegi jasóspirimder.
Úndeýge atsalysqan jastar 18-ge de tolmaǵan. Zań boıynsha olar daýys bere almaıdy. Degenmen elde bolyp jatqan ózgeristerdiń mańyzdylyǵyn túsinip otyr. Jańa Qazaqstannyń ózderinen bastalatynyn jaýaptylyqpen sezinedi. Olardyń málimeti boıynsha 2016 - 2021 jyldar aralyǵynda depýttatar saılaýynda berilgen daýystyń mólsheri 13,8% azaıyp ketken. ıAǵnı, daýys berýshilerdiń belsendiligi tómendegen.
«Bizdiń jasymyz 18-ge tolmaǵany mańyzdy emes. Aınalamyzda bolyp jatqan dúnıelerdiń saıasatpen baılanysty ekenin jaqsy túsinemiz. Osy úndeýimiz arqyly saılaý quqyǵy bar otandastarymyzdy saılaý kúni ýchaskelerge baryp, daýys berýge shaqyrǵymyz keledi. Ár daýys mańyzdy ekenin túsinip, saılaýǵa barý qarapaıym azamat úshin jaı bir sharýa bolǵanymen, eldiń erteńi úshin mańyzdy qadam. Saılaýǵa árqaısymyzdyń daýsymyz Ekibastuzdaǵy apat sııaqty qıyndyqtardyń jolyn kesetinine senip barý mańyzdy. Bizdiń búgingi tańdaýymyz – erteń birge ótkeretin bolashaǵymyz», - deıdi «Jańa Adamdar» jastar qozǵalysynyń belsendisi Vladımır Izıýmenkov.