Jasandy ıntellekt: QR Prezıdenti oqýshylar men stýdentter úshin joba jasaýdy usyndy

ALMATY. QazAqparat – Qazaqstan Prezıdenti Qasym-Jomart Toqaev Eýrazııalyq ekonomıkalyq odaq aıasynda jańa tehnologııalar jáne jasandy ıntellekt salasynda oqýshylar men stýdentter úshin joba jasaýdy usyndy, dep habarlaıdy QazAqparat tilshisi.

Memleket basshysy «Digital Almaty 2021» forýmyna qatysýshylarǵa beıneúndeý jasaǵan edi.

«Jańa tehnologııalar men jasandy ıntelekt salasynda oqýshylar men stýdentter úshin memleketaralyq bilim berý bastamalaryn jasaý múmkindigin qarastyrýdy usynamyn. Qazaqstan Odaqqa tóraǵalyǵynyń basymdyǵy retinde jappaı tsıfrlandyrý men málimetter almasýdy jolǵa qoıýdy aıqyndap otyr. Biz atalǵan kúntártipti belsendi ilgeriletýge nıettimiz jáne barlyq qatysýshy elderdiń ónimdi yntymaqtastyǵyna úmit artamyz», - dedi Qasym-Jomart Toqaev.