Jasandy ıntellekt qoldanatyn kásiporyndardy memlekettik qoldaý sharalary ázirlenedi

<p>ASTANA. KAZINFORM &ndash; Úkimet basshysy Oljas Bektenov tsıfrlyq tehnologııalar men jasandy ıntellekt quraldaryn engizetin kásiporyndardy qoldaýdyń naqty sharalaryn ázirleýdi tapsyrdy.</p>

- Qazir elimizde tsıfrlyq tehnologııalar men jasandy ıntellekt quraldaryn engizip, iske asyryp jatqan óndiris oryndary bar. Tsıfrlyq damý, ınnovatsııalar jáne aeroǵarysh ónerkásibi mınıstrligine múddeli memlekettik organdarmen jáne ákimdiktermen birge osyndaı kásiporyndardy qoldaýdyń naqty sharalaryn ázirleýdi tapsyramyn, - dedi Oljas Bektenov Úkimettiń kóshpeli otyrysynda. 

Sondaı-aq, Premer-mınıstr jasandy ıntellektini qoldanýdyń ashyqtyǵy men qaýipsizdik mańyzdy ekenin eske saldy. 

- Ol úshin tıisti zańnamalyq sharalar men normatıvtik quqyqtyq aktilerdi qabyldaý kerek. Zań aıasynda derbes derekterdi qorǵaý, kıberqaýipsizdik, jasandy ıntellektini qoldaný arqyly qabyldanǵan sheshimder úshin jaýapkershilik máselesi jáne etıkalyq normalar qamtylýǵa tıis, - deıdi ol. 

Aıta keteıik, keler jyldan bastap memlekettik qyzmetshiler jasandy ıntellekt kýrsynan ótedi. 

Sondaı-aq, Oljas Bektenov tsıfrlyq qyzmettiń deni halyq úshin kúrdeli ekenin aıtyp, protsesti jeńildetýdi júktedi.