Jasandy ıntellekt Qazaqstannyń eńbek naryǵyna qalaı áser etedi

<p>ASTANA. KAZINFORM &ndash; Qazaqstandaǵy jumyssyzdyq deńgeıi &ndash; 4,7%, bul Táýelsizdik jyldaryndaǵy eń tómengi kórsetkish. Bul týraly Eńbek resýrstaryn damytý ortalyǵynyń vıtse-prezıdenti Shalqar Baıqulaqov agenttiktiń &laquo;Bizdin orta&raquo; podkastynda aıtyp berdi.</p>

– Eki jyl buryn biz Eńbek naryǵyn damytý tujyrymdamasyn ázirlep, sapaly jumys oryndaryn targetteýge basa kóńil bóldik. Qazirgi tańda sapaly jumys oryndarynyń sany 2,4 mln bolsa, ony 2030 jylǵa deıin 3,8 mlnǵa jetkizý kerek, ıaǵnı árbir ekinshi jumys orny sapaly bolýǵa tıis. Munyń tórt qaǵıdasy bar: jalaqysy jaqsy bolýy kerek, keminde 6 aı turaqty jumys isteýi kerek, jaraqat almaý kerek jáne zeınettik aýdarymdary men saqtandyrýy bolýy kerek, - dep túsindirdi spıker.

Onyń aıtýynsha, eńbek naryǵynda kóptegen ózgerister bolyp jatyr, ásirese jasandy ıntellekt qarqyndy damyp keledi.

– Bizdiń tujyrymdamaǵa sáıkes, jasandy ıntellektiniń qandaı da bir mamandyqty joıý qaýpi tómen, biraq mátin jazý, konsýltatsııa berý sııaqty keıbir daǵdylarymyzdy joıýy múmkin. Sol sebepti bizdiń paıyzdaýymyzsha JI eldegi 1,2 mln jumys ornyna yqpalyn tıgizedi, - dedi Sh. Baıqulaqov.

Sonymen birge, spıker elimizde frılans sektory damyp kele jatqanyn, qazir 500 myń – 1 mln adam ózin-ózi jumyspen qamtyǵanyn aıtýda.

Sondaı-aq, taksı, jetkizý qyzmeti sekildi platformalar jumys berýshi bolyp sanalyp, jumysshylardyń áleýmettik jarnalary men salyqtaryn tóleýge mindetteldi.

Buǵan deıin podkast qonaqtary jańa zýmerler býynynyń eńbek naryǵyna qalaı áser etetinin talqylaǵan edi.

Májilis depýtaty Juldyz Súleımenova eńbek naryǵyndaǵy jańashyldyqtarǵa beıimdelý úshin elimizde qandaı zańnamalyq ózgerister bolǵanyn aıtyp berdi.