Jasandy ıntellekt qarjyny qalaı basqarady

<p>ALMATY. KAZINFORM &ndash; Jasandy ıntellekt tehnologııasy &ndash; keıingi onjyldyqtaǵy basty tehnologııalyq trendtiń biri boldy. Bul másele bizdiń elde de ózekti. Bul týraly Qazaqstan qarjygerleriniń XII kongresi barysynda Ulttyq bank tóraǵasynyń keńesshisi &ndash; Tsıfrlyq transformatsııa basshysy Bınur Jalenov aıtty.</p>

«Tsıfrlyq Ulttyq bank tujyrymdamasy aıasynda biz qarjylyq baqylaý úderisterin barynsha tsıfrlandyrýdy, sondaı-aq osy maqsatta jasandy ıntellekt pen mashınany oqytý tehnologııalaryn qoldanýdy josparlap otyrmyz. Bul, bir jaǵynan, naryqtyń retteý eseptiligine arnalǵan shyǵyndaryn azaıtýǵa, ekinshi jaǵynan, retteýshiniń múmkindikterin edáýir keńeıtýge, sonyń ishinde jasandy ıntellektke baılanysty syn-qater men aýytqýdy erte anyqtaýǵa jol ashady. Osy maqsatta SupTech platformasyn damytýdy jalǵastyryp, birneshe jańa júıe engizetin bolady. Kelesi jyly biz mundaı platformany engizýdiń birinshi kezeńin aıaqtaýdy kózdep otyrmyz»,- dedi Bınur Jalenov.

Aıtýynsha, osy mindetterdi oryndaý úshin derekterdi óńdeıtin zamanaýı jáne senimdi ınfraqurylymnyń bolǵany mańyzdy.

«Bul rette, esepteý qýaty ǵana emes, derekterdi aktıv retinde basqarý quraldary, mádenıeti týraly da sóz bolyp otyr. Derekter fabrıkasy qurylyp jatyr. Onyń aıasynda derekterdi jınaýdan bastap, taldaýǵa deıingi barlyq derekterdi basqarý protsesi jasandy ıntellekt jáne basqa da eń ozyq quraldardy paıdalana otyryp ońtaılandyrylatyn bolady. Biz qajet derekterdi naryqtan yńǵaıly, tsıfrlyq formatta jınaýdy jolǵa qoıyp, bir esepti qaıta-qaıta jınaýdyń aldyn alýdy josparlap otyrmyz. Bul ózimizdiń analıtıkalyq áleýetimizdi keńeıtýge de múmkindik beredi»,- dep atap ótti ol.

Spıker ıntellektti engizý – jaı ǵana sánnen qalmaý úshin jasalyp jatqan dúnıe emes ekenin basa aıtty.

«Jumysymyzǵa jasandy ıntellektti engizý – jaı ǵana sánnen qalmaý úshin jasalyp jatqan joq. Biz ony kúndelikti analıtıkalyq jumysymyzda – «shıki» derekterdi óńdeýden bastap, «ınsaıttar» qalyptastyrýǵa deıingi barlyq kezeńde negizgi tehnologııaǵa aınalýǵa tıis dep esepteımiz.Bizdiń data-strategııamyzdaǵy mańyzdy elementtiń biri – ózekti máselelerdi zertteý jumystaryna syrttan sarapshy tartý. Osy maqsatta Ashyq derekter repozıtorııin beta-testileý rejıminde iske qostyq»,- dedi ol.

Osyǵan deıin Bınur Jalenov, jyl sońyna deıin tsıfrlyq teńgedegi tranzaktsııa aınalymy 200 mlrd teńgeden asatyny týraly málimdegen edi.