Jasandy ıntellekt engizilgeli zańsyz qoqys úıindileri azaıdy – mınıstr

<p>ASTANA. KAZINFORM &ndash; Elimizde zańsyz qoqys tastaý jaǵdaılary jasandy ıntellektiniń kómegimen anyqtalyp jatyr.</p>

- Jasandy ıntellekt tehnologııasyn qoldanýdyń arqasynda qoqys úıindileri jóninde Qazaqstan ǵarysh sapary ulttyq kompanııasy derekteriniń negizinde jumys isteımiz. Árbir faktini mamandar tekserip, tirkeıdi. Sodan soń qoqysty joıý boıynsha nusqaýlyq beriledi, belgilengen ýaqytta joıylmasa ákimshilik jaýapqa tartylady. Bıyl 159 quzyrly qyzmetker jaýapqa tartyldy, onyń ishinde 59 adam qala jáne aýdan ákimderiniń orynbasarlary. Jasandy ıntellekt tehnologııasyn engizilgeli beri zańsyz qoqys úıindileriniń sany azaıdy, - dedi Ekologııa jáne tabıǵı resýrstar mınıstri Erlan Nysanbaev Úkimettiń kóshpeli ótken otyrysynda.

Mınıstrdiń málimdeýinshe, 2018 jyly 8700 zańsyz qoqys alańy anyqtalǵan, al bıyl 4900-ǵa jýyq úıindi tabyldy.

- Zańsyz aǵash kesý máselesi kúrdeli. Jasandy ıntellektini qoldanǵaly 2018 jyly 974 fakti tirkeldi, onyń ishinde 294 fakti zańsyz aǵash keshý. Al bıyl 112 jaǵdaı anyqtaldy, onyń ishinde 56 jaǵdaı boıynsha is sotta qaralyp jatyr. Sondyqtan jasandy ıntellektini paıdalaný qorshaǵan ortany qorǵaýda tıimdi, - deıdi ol.

Eske sala ketsek, Memleket basshysy Qasym-Jomart Toqaev «Ádiletti Qazaqstan: zań men tártip, ekonomıkalyq ósim, qoǵamdyq optımızm» atty Joldaýynda Astanada Jasandy ıntellekt ulttyq ortalyǵyn iske qosýdy tapsyrdy.