Jas urpaq Qazaqstandaǵy turaqtylyq pen beıbitshilikti saqtaýda jaýapkershilikti barynsha sezinýi tıis - soǵys ardageri Qadan Bekenov
«Bıyl Uly Jeńistiń 70 jyldyǵyn atap ótý aıasynda úlken sharalar uıymdastyrylady ǵoı. Jalpy, osy ataýly dataǵa aıryqsha mán berilip otyrǵandyǵy qart maıdangerlerdi qatty qýantyp otyr. Qazir 90 jastamyn. Sondyqtan alys saparlarǵa shyǵa almaıtynym anyq, alaıda, Astanada ótkiziletin sharalarǵa barynsha barýǵa tyrysamyn. 2004 jyly biz Belarýssııaǵa baryp, urys bolǵan jerlerdi aralap keldik. Sol kezde Qazaqstannyń óńirlerinen 8 ardager saparladyq. Qan maıdandaǵy kóptegen oqıǵalardy esimizge aldyq», - dedi qart maıdanger.
Kóptegen qalalardy azat etken Qadan ata soǵysty Berlınde aıaqtady. Atap aıtqanda, ardager Ońtústik-Batys jáne Birinshi Belarýs maıdandarynda erlikpen shaıqasty. Soǵysqa 1942 jyly Aqmola oblysy Astrahan aýdanynan attanǵan. Budan keıin eńbek jolyn ishki ister organdarynyń qatarynda jalǵastyrdy. 1972 jyly qurmetti eńbek demalysyna shyqty. Kóptegen orden, medaldarmen nagradtaldy.
«Negizi qala ákimdigi men ózge de vedomstvolar tarapynan kóńil bólinip keledi. Jaqynda Prezıdent atynan quttyqtaýlar jetkizilip, qurmet kórsetilip jatyr. Jalpy kórsetilip jatqan syı-qurmetke alǵysymdy aıtamyn. Elimizde búginde jaqsy ıgi bastamalar júzege asyrylýda. «Nurly jol - bolashaqqa bastar jol» aıasynda maqsat-mindetter tolyq oryndalsyn degen tilegimdi jetkizgim keledi. Memleketimizdegi osy beıbitshilik pen turaqtylyq máńgi bolsyn!», - dedi ardager óz sózinde.
Bıyl Uly Jeńistiń 70 jyldyǵyn atap ótý aıasynda TMD boıynsha 2015 jyl Ardagerler jyly bolyp bekitildi. Memleket basshysy Nursultan Nazarbaevtyń bastamasymen elimizde Uly Otan soǵysy ardagerlerine qurmet kórsetý baǵytynda jalpyulttyq aktsııa, tıisti sharalar uıymdastyrylýda.