«Jas ulandyqtar» ushýdan emtıhan tapsyrdy
00:32, 30 Shilde 2017
ASTANA. QazAqparat - Halyq qaharmany, armııa generaly Saǵadat Nurmaǵambetov atyndaǵy «Jas ulan» respýblıkalyq mektebiniń tárbıelenýshileri Astana qalasy «Avıatsııalyq oqý ortalyǵynyń» «Jolaman» aerodromynda TL - 2000 ushaǵymen emtıhandyq ushýlar tapsyrdy, dep habarlaıdy Qorǵanys mınıstrliginiń baspasóz qyzmeti.
Ushýlar barysynda mektep tárbıelenýshileri TL - 2000 ushaǵynda alǵashqy ushý daıarlyǵy baǵdarlamasy boıynsha emtıhandyq ushýlar tapsyrady. Kýrsanttardyń daıyndyǵyna bas dırektor Rızabek Ájekenov, avıatsııalyq qyzmet jáne avıatsııalyq qaýipsizdik qyzmetiniń jetekshisi Qubat Qadyralıev, ushýlar jetekshisi Janat Ahmetov, sondaı-aq avıatsııalyq ortalyqtyń ushý jáne ınjenerlik-tehnıkalyq quramy qatysýda. «Mektep tárbıelenýshileri eki aı boıy 30 saǵat ushýdy oryndady. Daıyndyq deńgeıi boıynsha olar qazirdiń ózinde azamattyq júıedegi jeńil avıatsııa ushqyshtaryna sáıkes keledi», - dep atap ótti avıatsııalyq oqý ortalyǵynyń bas dırektory Rızabek Ájekenov.
Oqý-jattyǵýlardyń nátıjesi boıynsha túlekterge tıisti sertıfıkattar tapsyrylady.