Jas tennısshi Danıal Rahmatýllaev Tegerandaǵy týrnırdiń chempıony atandy

ASTANA. QazAqparat – Qazaqstandyq Danıal Rahmatýllaev Iran astanasy Tegeranda 18 jasqa deıingiler arasynda máresine jetken ITF Juniors J100 TEHRAN týrnıriniń chempıony atandy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, Aqtaý tennıs mektebiniń túlegi, 16 jastaǵy Danıal Rahmatýllaev (284 ITF Juniors) fınalda kort ıesi Amıralı Gavamany 6:0, 6:1 esebimen oısyrata utty.

Bir qyzyǵy, Danıal barlyq qarsylastaryn 6:0, 6:1 esebimen qaqyrata jeńdi.

Bul – D. Rahmatýllaevtyń Irandaǵy ekinshi tıtýly. Budan bir apta buryn osyndaı jarysta jeńimpaz atanǵan edi.

Taǵy bir qazaqstandyq Jaqas Qozybaq juptyq synda úzdik shyqty. Ol reseılik Dmıtrıı Býrttsevpen birge tartysty ótken sońǵy básekede qazaqstandyq Zańǵar Nurlanuly – ırandyq Krısh Tıadjıdi 7:6 (7:3), 3:6, 10:8 esebimen tize búktirdi.

Eske sala keteıik, budan buryn Aleksandr Býblıktiń alǵash ret Ýımbldonnyń tórtinshi aınalymyna shyqqanyn jazǵan bolatynbyz. Sportshynyń kelesi qarsylasy belgili boldy.

Sondaı-aq, qazaqstandyq jas tennısshiler Tegerandaǵy dodanyń fınalyna ótti.

Mıhaıl Kýkýshkın AQSh-taǵy jarystyń jartylaı fınalyna joldama aldy.