«Zhas Project» jeńimpazdary memlekettik grantqa aıfon alyp, kredıtin japqan

NUR-SULTAN. QazAqparat – «Zhas Project» jastardyń bastamalary men ıdeıalaryn qoldaýǵa arnalǵan memlekettik joba. Joba jeńimpazdaryna memlekettik grant, ıaǵnı qarjylaı syıaqy beriledi, dep habarlaıdy QazAqparat tilshisi.

«Zhas Project» jobasynyń byltyrǵy jeńimpazdaryna aqsha qolma qol berildi. Onyń sońy ne boldy? Bireý aıfon aldy, berýi kredıtin japty. Shynymdy aıtsam, jobanyń naqty qansha paıyzǵa júzege asqanyn bilmeımin. Biraq qarjyny óz maqsatyna jumsamaý faktileri boldy. Biz byltyr bolǵan jaıttardy eskere kele, bıyl aqshany qolǵa bermeımiz degen sheshimge keldik. Bıylǵy baıqaýdyń ereksheligi osy. ıAǵnı joba avtory smetalyq qujatta ne qajet ekenin kórsetedi. Biz sol smetalyq qujattyń negizinde aqshasyn tólep beremiz», - dedi «Azamattyq bastamalardy qoldaý ortalyǵy» ZTB basqarma tóraǵasynyń mindetin atqarýshy Ǵalym Qurman Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, joba uıymdastyrýshylary joba grantynyń bólip tólenetinin aıtyp otyr.

«Grantty 70/30-ǵa bólip tóleımiz. Grantty utyp alǵan kezde 70 paıyzy beriledi. Ol somaǵa jobany júzege asyrýǵa qajetti zattar men qural-jabdyq satyp alynady. Qarjynyń qalǵan 30 paıyzy joba iske qosylyp, júzege asqannan keıin beriledi. Sol sııaqty ol aqsha sizge taýar, ónim jetkizýshige tikeleı tólenedi», - deıdi «Qazaqstan jastary konresi» qaýymdastyǵy ZTB atqarýshy dırektory Toqtar Bolysov.

Buǵan deıin «Zhas Project» jobasynyń grantyna ótinim qabyldaýdyń júrip jatqany týraly habarlaǵan edik.

Qujat qabyldaý 10 tamyzǵa deıin jalǵasady. Atalǵan jobaǵa Almaty, Jetisý, Qaraǵandy, Ulytaý, Túrkistan jáne Mańǵystaý oblysynyń jastary qatysa alady.

Aıta keteıik, «Zhas Project» jobasy osymen 4-i jyl iske asyp keledi.