Jas otbasylardy baspanamen qamtý tetikteri jasalady

ASTANA. QazAqparat - Elordalyq jas otbasylaryn baspanamen qamtý tetikteri ázirlenedi. Bul týraly búgin elorda ákimi Baqyt Sultanovtyń qatysýymen ótken Jastar isi jónindegi keńeste Astana qalalyq qoǵamdyq damý isteri basqarmasynyń basshysy Danııar Esın aıtty, dep habarlaıdy QazAqparat tilshisi.

Onyń aıtýynsha, Astana ákimdiginiń Jastar jylyna oraı ázirlegen jol kartasynda jastardy, jas otbasylardy baspanamen qamtamasyz etý kózdelgen. Bul máselege Jastar jylynyń ashylý saltanatynda Elbasy Nursultan Nazarbaev ta aıryqsha toqtalǵan bolatyn.

«Sondyqtan Jol kartasy aıasynda biz bul baǵytta 6 iri jobany qarastyryp otyrmyz. Olarǵa «Mereıli otbasy» otbasy qundylyqtaryn nyǵaıtýdyń keshendi is-sharalaryn ótkizý jáne «7-20-25», «Nurly jer» turǵyn úı qurylysy baǵdarlamalary men «2020 jylǵa deıin óńirlerdi damytý» baǵdarlamasynyń múmkinshilikteri arqyly jumys isteıtin jastardyń, jas otbasylardyń baspanamen qamtamasyz etilýin kózdeıtin tetikter ázirleý negiz bolmaq», - dedi ol.

Sonymen qatar, Danııar Esın atalǵan jol kartasynda jastardy áskerı-patrıottyq tárbıeleýge basa nazar aýdarylatyndyǵyn, bul baǵytta 12 iri joba júzege asyrylatyndyǵyn atap ótti.