Jas kóshbasshylar Prezıdent Joldaýyn talqylady
Jas kóshbasshylar onlaın-formatta Memleket basshysy Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýy keńinen talqylandy.
Onlaın-konferentsııaǵa respýblıkalyq jastar uıymdarynyń, óńirlik jastar resýrstyq ortalyqtarynyń, ǵylymı-zertteý ınstıtýttarynyń, «Nazarbaev Ýnıversıtetiniń» ókilderi, sondaı-aq sarapshylar, jas saıasattanýshylar, áleýmettanýshylar, tarıhshylar, ekonomıster qatysty.
QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Maqsutbek Aıtmaǵanbet, «Qazaqstannyń teń quqyqtary men teń múmkindikteri ınstıtýty» qoǵamdyq qorynyń prezıdenti Margarıta Óskembaeva Memleket basshysynyń otbasy ınstıtýtyn, áıelderdiń genderlik teńdigin jáne ekonomıkalyq jáne saıası ustanymdaryn nyǵaıtý jónindegi bastamalaryn atap ótti, sondaı-aq QR-daǵy 2030 jylǵa deıingi otbasylyq jáne genderlik saıasat tujyrymdamasyn ózektendirý jumysyna qatysýǵa daıyndyǵyn bildirdi.
Pikirtalas barysynda jastar uıymdarynyń basshylary áleýmettik osal otbasylardan shyqqan balalardy, daryndy jastar men jas ǵalymdardy qoldaý memlekettiń áleýmettik saıasatynyń qosalqy, mańyzdy jáne júıeli quramdas bóligi bolady degen pikir bildirdi.
Qatysýshylar Prezıdent joldaýy qoǵamnyń, qazaqstandyq jastardyń úmitine jáne ýaqyt suranysyna saı keledi degen pikirge keldi.
Eske salsaq, 1 qyrkúıek kúni QR Prezıdenti Qasym-Jomart Toqaev «Halyq birligi jáne júıeli reformalar – el órkendeýiniń berik negizi» atty halyqqa Joldaýyn jarııalady. Joldaýdyń tolyq mátini myna jerde.