Jas qazaqstandyqtar otbasy, dostyq jáne densaýlyqty basty qundylyqtar dep sanaıdy

NUR-SULTAN. QazAqparat - Táýelsizdiktiń 30 jyldyǵy aıasynda qaralǵan «Qazaqstan jastary – 2021: Táýelsizdiktiń 30 jyly» atty ulttyq baıandamanyń toǵyzynshy shyǵarylymy aıasyndaǵy taldaý barysynda jastardyń qazirgi damýynyń birneshe mańyzdy sıpattamalary anyqtaldy, dep habarlaıdy QazAqparat QR Aqparat jáne qoǵamdyq damý mınıstrliginiń resmı saıtyna silteme jasap.

Osylaısha, jastardyń negizgi qundylyqtary sońǵy 5 jyl boıy ózgerissiz qaldy. Ótken jyldardaǵydaı jastar arasyndaǵy basty qundylyq otbasy - 82,5%, ekinshi orynda densaýlyq – 45,6%, úshinshi orynda dostyq - 23,1%.

Saýalnamaǵa qatysqan jastardyń 72,3% ózderiniń densaýlyqtaryn myqty dep sanaıdy, 44,8% únemi profılaktıkalyq tekserýden ótedi. Jastardy buqaralyq sportqa tartý protsesinde de oń dınamıka bar ekenin atap ótken jón. Jastardyń 60,9% sportpen júıeli túrde shuǵyldanady. Sondaı-aq, ǵylym salasynda da oń dınamıka baıqalady: sońǵy 9 jylda 35 jasqa deıingi ǵalymdar sany 21% artty.

Jalpy, jastardyń 78% bolashaqqa zor senimmen qaraıdy.