Jas qazaqstandyqtarǵa nesıe berý jeńildetiledi

<p>ASTANA. KAZINFORM &ndash; Qarjy naryǵyn retteý jáne damytý agenttigi 21 jasqa deıingi jastarǵa nesıe berý kezinde esepke alynatyn kiris túrleri tizimin keńeıtýdi josparlap otyr.</p>

Tıisti qaýly jobasy «Ashyq NQA» portalynda jarııalandy.

Nesıe rásimdeýden buryn bankter qaryz alýshynyń tólem qabiletin onyń kirisine súıene otyryp baǵalaıdy. Buǵan deıin jas adamnyń kirisi retinde onyń jalaqysy men stıpendııasy esepke alynatyn. Endi bankterge debettik kartalardaǵy tolyqtyrýlardy, onyń ishinde týystardan kelip túsetin aýdarymdardy da esepke alýǵa ruqsat beriledi.

— Bul 21 jasqa tolmaǵan azamattardyń debettik kartany tolyqtyrý arqyly alatyn kiristerin esepke alý múmkindigin berý úshin jasalyp jatyr. Bul rette birdeı somany qaıtalap esepteýge jol berilmeıdi, — dep jazylǵan túsindirmede.

Qujat 20 jeltoqsanǵa deıin talqylaýda bolady.

Buǵan deıin sarapshylar Qazaqstandaǵy qaryzdyq júktemeniń salystyrmaly túrde tómen ekenin, elde qarjylyq turaqsyzdyq qaýpi joq ekenin jáne nesıe alýdyń halyqqa aýyrtpalyq túsirmeıtinin aıtqan bolatyn.