Jas kásipker Elbasyna Qazaqstannyń ımıdjin kóteretin jobasyn tanystyrdy - Jastar jyly

ASTANA. QazAqparat - «Táýelsizdik urpaqtary» atty Jastar jylynyń ashylýynda jas kásipker Rasýl Abdýllaev Elbasy Nursultan Nazarbaevqa elimizdiń ımıdjin kóterýge baǵyttalǵan jobany tanystyrdy, dep habarlaıdy QazAqparat tilshisi.

«Qurmetti Nursultan Ábishuly, Jastar jylynda Sizge shartty ataýy Qazaqstan Respýblıkasynyń Marketıng mınıstrligi degen jobasyn usynbaqpyn. Onyń mıssııasy - Qazaqstandy álemdik arenada rembrendıngileý. Bul barlyq vedomstvolardy damytý men qoldaýda, PR-qyzmetterin jaqsartýǵa, «Rýhanı jańǵyrý» ıdeologııamyzdyń tanymaldyǵyn arttyrýǵa múmkindik berer edi»,- dedi Rasýl Abdýllaev.

Sonymen qatar ol «Keks» agenttiginiń kómegimen Qazaqstan naryǵyn qamtıtyn túrli jobalardy jasap jatqandyqtaryn da aıtty. Máselen, «You Frame Burger» meıramhanalar jelisi búginde «Burger King» jáne «McDonalds» syndy brendterge básekeles bolyp otyr. Rasýl aldaǵy 5 jylda dál osyndaı 100-den astam merıamhana ashýdy josparlaýda.

«Aldaǵy jyldary júzege asyrýdy josparlap otyrǵan jobalarymyzdy tanystyrýǵa ruqsat etińizder. Eń aldymen bul - elimizde 4,1 mln jazylýshy aýdıtorııasy bar jáne kúndeliktikti 20 mln kórsetilimdi qamtıtyn «YouFrame» shyǵarmashylyq birlestigi. Bizdiń ujymnyń mıssııasy - álem boıynsha qazaqstandyq kontent qurý. Biz sheteldik naryqqa da kirip jatyrmyz jáne Reseıdegi aýdıtorıamyz bir mıllıon adamnan asty. Bizdiń shyǵarmashylyǵymyz álemdi tań qaldyrmaqpyz», - dedi ol.

Aıta keteıik, Astanada Jastar jylynyń ashylý saltanaty ótip jatyr.