Jas geologtar Olımpıadasy ashyldy

QONAEV. QazAqparat – Almaty oblysy Qonaev qalasyndaǵy Respýblıkalyq «Baldaýren» oqý-saýyqtyrý ortalyǵynda Jas geologtardyń I Respýblıkalyq dala Olımpıadasynyń ashylý saltanaty ótti, dep habarlaıdy QazAqparat.

Іs-sharany Indýstrııa jáne ınfraqurylymdyq damý mınıstrliginiń geologııa komıteti, «Kazakhmys Barlau» JShS jáne «Jas geolog» korporatıvtik qory, sondaı-aq Almaty oblysynyń ákimdigi, Kazakhmys korporatsııasy, «ERG» JShS, Kazzinc» JShS uıymdastyrǵan.

Olımpıadanyń maqsaty – jastardyń geologııa ǵylymyna qyzyǵýshylyǵyn arttyrý, daryndy balalardy anyqtap, qoldaý kórsetý. Sonymen qatar oqýshylardy eldegi geoekologııa jáne tabıǵı qazbalardy qorǵaý problemasyna nazar aýdartý, Otansúıgishtikke baýlý.

Indýstrııa jáne ınfraqurylymdyq damý mınıstrligi baspasóz qyzmetiniń málimetinshe, Olımpıadaǵa Qazaqstannyń barlyq túkpirinen 16 komanda men 200-den asa bala qatysyp jatyr. Olar – 9-11 synyp oqýshylary. Qatysýshylar paleontologııa, gıdrologııa, radıometrııa, mıneralogııa jáne petrografııa, paıdaly qazbalar geologııasy salalary boıynsha bilimderin synaıdy. Jeńimpaz komandalar gramotama, medal jáne baǵaly syılyqtarmen marapattalady.

«Geologııaǵa degen qyzyǵýshylyq tek ǵylym retinde emes, sondaı-aq ekonomıkanyń mańyzdy salasy retinde qarastyrylyp, jas balalar úshin jetistikterge jetip, ǵylymı jańalyqtar ashýǵa stımýl bolýy tıis. Bul olımpıada dástúrli túrde ótip, jyldan-jylǵa jas geologtar sanyn kóbeıtýge sep bolady», - dedi «Jas geolog» KQ Qamqorshylyq keńesiniń tóraǵasy Ǵalym Nurjanov.

Munymen qosa, jeke eseptegi jeńimpazdar Satbayev University, Qazaqstan-Brıtan tehnıkalyq ýnıversıteti jáne Safı Ýtebaev atyndaǵy munaı jáne gaz Atyraý ýnıversıtetiń geologııalyq mamandyqtaryna grant utyp alý múmkindigine ıe bolmaq.