«Jas geolog» olımpıadasy: jeńimpaz oqýshylarǵa JOO granty beriledi

<p>ASTANA. KAZINFORM &ndash; &laquo;Jas geolog&raquo; olımpıadasynyń jeńimpazdary elimizdiń jetekshi 3 joǵary oqý ornynda tegin bilim alady. Bul týraly QR Ónerkásip jáne qurylys mınıstrligi Geologııa komıtetiniń tóraǵasy Erlan Akbarov aıtty.</p>

— Qazir jerasty ken oryndaryn barlaý jumystary jandanyp jatqandyqtan, geolog mamandarǵa suranys artyp keledi. Sonymen qatar geologııa mamandyǵy boıynsha joǵary oqý oryndary túlekteriniń sany da ósip keledi. Eger 2022 jyly tek 1224 maman bitirse, 2024 jyly taý-ken isi jáne geologııa mamandyǵy boıynsha 3000-nan astam maman bitirdi. Bul rette Sátbaev tehnıkalyq ýnıversıtetiniń derekteri boıynsha túlekterdiń 98%-y mamandyq boıynsha jumysqa ornalasady, - dedi ol OKQ alańynda.

Komıtet basshysy bolashaqta geolog bolǵysy keletin oqýshylardyń olımpıadaǵa qatysyp, JOO grantyn jeńip alýǵa múmkindigi baryn aıtty.

— Geolog mamandyǵyn keń dáripteý jumystary aıasynda biz «Jas geolog» olımpıadasyn ótkizemiz. Onda jeńimpazdarǵa 9 bilim granty beriledi. ıAǵnı, elimizdiń jetekshi 3 JOO-sy árqaısysy 3 granttan taǵaıyndaıdy, - deıdi Erlan Akbarov.

Odan bólek, spıker oqýshylardy geologııaǵa tartý maqsatynda «Jas geolog» korporatıvtik qory jumys isteıtinin atap ótti.

Buǵan deıin elimizde geologter qansha jalaqy alatynyn jazǵan edik.

Ónerkásip jáne qurylys mınıstri Qanat Sharlapaev elimizde qandaı paıdaly qazbalar boıynsha geologııalyq barlaý júrgizý qajettigin aıtqan edi.