Jas ǵalymdarǵa turǵyn úı alýǵa jeńildetilgen nesıe beriledi

<p>Jas ǵalymdardy áleýmettik turǵydan qoldaý maqsatynda turǵyn úı alý úshin jeńildetilgen nesıe beriledi. Bul týraly QR Parlamenti Májilisiniń depýtaty Ashat Aımaǵambetov málim etti, dep habarlaıdy <a href="Kazinform" target="_blank" rel="noopener">Kazinform.</a></p>

«Búgin Parlament depýtattary ǵalymdardy áleýmettik qoldaý boıynsha zań jobasyn talqylap otyrmyz. Atap aıtqanda, jas ǵalymdarǵa jeńildetilgen nesıe berý máselesin qarastyrýdamyz. Ekinshiden professor dárejesi bar ǵalymdarǵa qosymsha ústemaqy tóleý. Sol sııaqty basqa da turǵydan áleýmettik qoldaý normalaryn engizip otyrmyz. Odan bólek, ǵalymdardyń úzdiksiz jalaqy alý máselesin qarastyryp otyrmyz», - dedi Ashat Aımaǵambetov BAQ ókilderiniń saýalyna jaýap bere turyp.

Onyń aıtýynsha, jas nesıe berýdiń ereje, talaby mınıstrliktiń buıryǵy shyqqannan keıin naqty belgili bolady.

«Bizdiń prıntsıp jas ǵalymdarǵa osyndaı múmkindik berý. Odan ári júzege asyrý ol mınıstrliktiń quzyretinde», - deıdi depýtat.

Buǵan deıin habarlaǵanymyzdaı búgin Ádilet mınıstrliginde birneshe zań jobasy boıynsha Úkimet qorytyndysy qaraldy. Atalǵan sharaǵa Ádilet mınıstri Azamat Esqaraev jáne Májilis depýtattary qatysty.