Jas dárigerlerge jergilikti bıýdjetten áleýmettik paketter usyný qajet - Kósherbaev
«Osy múmkindikti paıdalana otyryp densaýlyq saqtaý salasyna baılanysty eki usynysymdy aıtýǵa ruqsat etińiz. Birinshi, ózińizge belgili, «Densaýlyq» memlekettik baǵdarlamasynyń oryndalýyna jergilikti atqarýshy organdar tikeleı jaýapty. Al oryndaýdyń negizi - josparlaý. Másele osynda bolyp otyr. Qoldanystaǵy zańnamaǵa sáıkes kórsetiletin medıtsınalyq kómekti josparlaý quzyry tolyqtaı Áleýmettik medıtsınalyq saqtandyrý qoryna berildi. ıAǵnı, zańnamalarda densaýlyq saqtaý basqarmalarynyń medıtsınalyq kómekti josparlaý, satyp alý kólemin qalyptastyrý, sonymen qatar lıtsenzııadan keıin qadaǵalaý tetikteri tipti qarastyrlmaǵan. Al jaýapty bizbiz... Bul túptep kelgende halyqqa kórsetiletin qyzmettiń sapasy men qoljetimdiligine keri áser etedi», - dedi oblys basshysy.
Sonymen qatar ol Elbasynyń tapsyrmasymen júzege asyrlyp jatqan «Dıplommen aýylǵa» baǵdarlamasy óz jemisin berip otyrǵandyǵyn aıta kele, jas mamandardy yntalandyrý tetikteriniń jetkiliksizdigine basa nazar aýdardy.
«Degenmen densaýlyq saqtaý salasynda jetispeıtin mamandardyń 50 paıyzy oblys ortalyǵynda ornalasqan kópsalaly mamandandandyrylǵan uıymdarda oryn alýda. Sol sebepti qajetti mamandyqtar boıynsha qyzmet etýge nıet bildirgen jas kadrlardy qoldaý maqsatynda zańnamalyq turǵyda jergilikti bıýdjettiń esebinen áleýmettik paketter usyný tetikterin qarastyrý qajet esepteımiz», - dedi Qyrymbek Kósherbaev.