Jas dárigerler aýylda úsh jyl jumys isteýge mindetteledi - mınıstr
Densaýlyq saqtaý mınıstrliginiń Feısbýktegi resmı paraqshasynda vedomstvo basshysy Eljan Birtanov jergilikti dárigerlermen kezdeskeni jazyldy. Mınıstr aldaǵy úsh jylda shalǵaıdaǵy aýrýhanalar zamanaýı medıtsınalyq tehnıkamen jabdyqtalyp, jas mamandar jappaı óńirlerge baratynyn atap ótti.
«Densaýlyq salasyndaǵy kadr tapshylyǵyna, medıtsına qyzmetkerleriniń jalaqysynyń tómendigine jáne sapaly alǵashqy medıtsınalyq kómekke basa nazar aýdaryp otyrmyz. Bul máselelerdi jergilikti ákimshilikpen birlesip sheshýdemiz. Kadr tapshylyǵyn joıý maqsatynda jas mamandar dıplom alǵan soń úsh jyl aýyldarǵa baryp jumys isteýge tıis bolady. Sonymen qatar, aýyldardaǵy medıtsınalyq mekemelerdi úsh jylda jańa medıtsınalyq tehnıkamen tolyq jabdyqtap, eki jylda jedel járdem kóligimen qamtamasyz etemiz», - dedi E.Birtanov.
Aıta keteıik, Úkimet músheleriniń oblysqa saparynyń maqsaty - Elbasynyń «Áleýmettik qamqorlyq» jańa áleýmettik sharalarynyń negizgi baǵyttaryn túsindirý. Buǵan deıin jumys toby elimizdiń birneshe óńirinde boldy.