Jas aqyndar balalarǵa arnap óleń jazbaıdy - aqyn Amanjol Áltaı

ASTANA. QazAqparat - Búgin qoǵamdyq mańyzy bar ádebıetterdi irikteýge arnalǵan saraptamalyq keńeste aıtysker aqyn Amanjol Áltaı balalar ádebıetin damytý máselesin kóterdi, dep habarlaıdy QazAqparat tilshisi.

«Búginde balalarǵa arnalǵan shyǵarmalar joqtyń qasy. Ásirese, balalar aqyndary toqtap qaldy, osy taqyryptaǵy aqyndar qartaıdy. Máselen, eń sońǵy balalar aqyndary - Baýyrjan aǵalarymyz ben Qymbat Ábildáqyzy 60-qa kelip qaldy. Al qazirgi jas aqyndar balalarǵa arnap óleń jazbaıdy. Kezinde Jaqan Smaqov, Tumanbaı Moldaǵalıev, Qadyr Myrza Álı, Ánýarbek Dúısenbıevtiń taqpaqtary qandaı edi?! Bárimiz sonymen sýsyndap ósken bala edik qoı. Sondyqtan kelesi jyly balalar ádebıetine kóbirek kóńil bólsek degen usynys bar», - dedi A.Áltaı.

Aıta keteıik, bıyl QR Mádenıet jáne sport mınıstrligi janyndaǵy saraptamalyq keńes qoǵamdyq mańyzy bar 56 shyǵarmany bekitti. Kelesi jyly atalǵan eńbekterdiń bári basylyp shyǵady. Árbir baspa tabaqqa 150 myń teńge tólenedi. 

«Endi, bıyl birinshi jyl bolǵannan keıin bizdiń aqyn-jazýshylarymyzdyń kóbisi qulaǵdar bolmaı, báıgege attaryn qosa almaı qaldy. Kelesi jylda alaman budan birneshe joǵary bolady dep oılaımyn. Óıtkeni bıyl kóbisi shyǵarmalaryn qosýǵa úlgere almady», - dep atap kórsetti A.Áltaı.