Jarystyń baspasóz-relızi
FIGHT NIGHTS GLOBAL 65
Mamyrdyń 19 juldyzynda FIGHT NIGHTS GLOBAL óziniń tarıhyndaǵy alǵashqy aralas jekpe-jegi boıynsha jarysyn Qazaqstanda ótkizgeli jatyr. Astana qalasyndaǵy FIGHT NIGHTS GLOBAL 65 rasynda tarıhta qalady, óıtkeni birden 3 chempıon beldigi sarapqa salynady.
Keshtiń eń mańyzdy oqıǵasy - qazaqstandyq Jalǵas Jumaǵulov pen Krasnodar kúreskeri Vartan Asatrıan arasyndaǵy asa jeńil salmaq kategorııasyndaǵy (57.2 kg) jekpe-jek.
Jalǵas óz dárejesin kóterý úshin sambo kúresi boıynsha Reseı chempıony Artýr Bagaýtınovqa qarsy jekpe-jekte bar múmkindigin kórsetýi kerek. Aıta keterligi, buǵan deıingi kezdesýlerde buryn jeńilip kórmegen daǵystandyq kúreskerge mamandar favorıt retinde qaraǵan, biraq «Jako» qaharly qarsylasyn ekinshi raýndta nokaýtqa túsirip, jurtty tań qaldyrdy.
Vartan Asatrıan FIGHT NIGHTS GLOBAL uıymynyń debıýtynda tájirıbeli kúresker jáne grepplıng sheberi Mıkael Sılanderdan aılasyn asyrdy. Kelesi jekpe-jekte Ázerbaıjan ókili Elnar Ibragımovtan ústem bolyp, jeńiske jetti. Osynyń arqasynda Asatrıan chempıondar jekpe-jeginiń qatysý quqyǵyn ıelense, al Jalǵas úshin tórt jyl burynǵy jeńilisi úshin Vartannan ese qaıtarýǵa múmkindik týyp otyr.
Keshtiń mańyzdy jekpe-jekteriniń birinde orta salmaqtaǵy (77.1 kg) chempıon ataǵy úshin talasta Qazaqstan jalaýyn kótergen Georgıı Kıchıgın men Reseı sportshysy Gadjımýrad Hıramagomedov betpe-bet kezdesedi.
Georgıı Kıchıgınniń ótken jyldyń sońynda-aq FIGHT NIGHTS GLOBAL chempıony atanýǵa múmkindigi bar edi, biraq onyń qarsylasy Magomed Nýrov osy salmaq kategorııasynyń sheńberine kire almaǵandyqtan, jekpe-jek keıinge qaldyrylǵan bolatyn.
Aralas jekpe-jek boıynsha eki dúrkin álem chempıony atanǵan Gadjımýrad Hıramagomedov Irıı Izotov pen Gıorgı Lobjanıdzeni nyq senimmen jeńip shyqty. Bul jetistigi oǵan basqa qarsylastary arasynan ozyp shyǵyp, dáreje úshin jekpe-jekte ózin-ózi kórsetý quqyǵyn ıemdenýge múmkindik berdi.
19 mamyr kúni aralas jekpe-jek jankúıerleri Uıymnyń alǵashqy chempıonynyń esimin bilip, sonymen qatar 83.9 kg salmaq kategorııasyndaǵy jeńimpazdytanıtyn bolady. Dáreje úshin jekpe-jek Eagles klýbynyń múshesi Abýsýpııan Alıhanov pen «Krepost» klýbynan shyqqan Halıd Mýrtazalıev arasyndaǵy ózindik daǵystandyq qunan jarys sııaqty bolǵaly jatyr.
Jekpe-jek óneriniń eki sheberi de bir-birin jıyn-jattyǵýlar aıasynda ǵana tanyp otyrǵan joq. Abýsýpııan men Halıd FIGHT NIGHTS GLOBAL komandalyq chempıonatynyń fınalynda ózara kúsh synasqan bolatyn. Sol keshte Alıhanov óz klýbyna chempıon ataǵyn alyp bergen bolatyn. «Eagles» kúreskeri baıaǵy jetisitgin qaıtalaı alar me, álde Halıd jeke mansabyndaǵy jalǵyz jeńilisi úshin kegin qaıtarady ma? Muny kórermender Qazaqstandaǵy týrnır aıaqtalǵan soń biletin bolady.
Kesh baǵdarlamasynda FIGHT NIGHTS GLOBAL uıymynyń asa tájirıbeli sportshylarynyń qatysyp, 10 jekpe-jek ótetini josparlanyp otyr.
Batına Anastasııa
PR-manager
+79161556436
Press@fightnights.ru