Jarylystar jalǵasqandyqtan órt sóndirý jumystary toqtap tur - mınıstr

NUR-SULTAN. QazAqparat - Arystaǵy jarylysqa baılanysty qylmystyq is qozǵaldy, dep habarlaıdy QazAqparat tilshisi.

«Atalmysh fakti boıynsha «qorshaǵan ortaǵa qaýipti sanalatyn qarýlardy, zattardy ustaý erejelerin buzý» baby boıynsha qylmystyq is qozǵaldy. Qazirgi ýaqytta oqıǵa ornynda jedel tergeý toby jumys júrgizýde. Jumys jalǵasýda. Osy ýaqytqa deıin qoımalarda jarylys faktileri áli de bolyp jatqandyqtan, qoımadaǵy órtti sóndirý jumysy toqtap tur», - dedi Erlan Turǵymbaev búgingi Úkimet otyrysyndaǵy baıandamasynda.

Eske sala ketsek, Arys qalasyndaǵy áskerı bólimniń qoımasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy.

Túrkistan oblysyna arnaıy barǵan Qazaqstan Prezıdenti Qasym-Jomart Toqaev Arystaǵy áskerı bólimshedegi oq-dári qoımasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.