Jarylys qurbandarynyń arasynda qazaqstandyqtardyń bar-joǵy tekserilýde - SІM
21:19, 13 Qarasha 2022
ASTANA. QazAqparat - Qazaqstannyń Syrtqy ister mınıstrligi Túrkııadaǵy jarylysqa qatysty pikir bildirdi. Tótenshe oqıǵa saldarynan qaza tapqandar men jaralanǵandardyń ishinde qazaqstandyqtardyń bar-joǵy anyqtalýda, dep habarlaıdy QazAqparat vedomstvoǵa silteme jasap.
«Túrkııanyń quqyq qorǵaý organdarynyń habarlaýynsha, jeksenbi, 13 qarashada Ystanbuldyń týrıstik ortalyǵynda jarylys bolyp, onyń saldarynan qaza tapqandar men zardap shekkender bar. Aldyn ala aqparatqa sáıkes, 4 adam qaza tapty, 38 adam jaraqattandy.
Ystanbuldaǵy QR Bas konsýldyǵy jarylys qurbandary arasynda Qazaqstan azamattarynyń bar-joqtyǵy týraly aqparatty anyqtaý úshin Túrkııanyń quzyretti organdary men qala merııasymen baılanysta», - dep jazdy SІM-nen.
Aıta keteıik, buǵan deıin Stambýldyń ortalyǵyndaǵy jaıaý júrginshiler kóshesinde jarylys bolǵanyn jazǵan bolatynbyz.