Jarylys bolǵan qoımanyń mańaıynda qandaı eldi mekender bar

NUR-SULTAN. QazAqparat – Jambyl oblysynyń Korolevka kentindegi áskerı qoımaǵa eń jaqyn ornalasqan 3 eldi mekende 1 myńnan astam adam turady. QR Tótenshe jaǵaılar mınıstrliginiń málimeti boıynsha olardyń 710-y oblys ortalyǵyny aevakýatsııalanǵan, dep habarlaıdy QazAqparat tilshisi.

Mınıstrlik baspasóz qyzmeti taratóan málimet boıynsha, órtenip jatqan nysanǵa jaqyn jerde 3 eldi meken ornalasqan. Atap aıtsaq, Jibek joly kenti jarylys aýmaǵynan 3 shaqyrym jerde tur. Mundaǵy turǵyndar sany - 378 adam. Úshbulaq stansasy oqıǵa oshaǵynan 8 shaqyrymda jatyr. Halyq sany – 216 adam. Botamoınaq eldi mekeni oqıǵa ornynan 10 shaqyrym jerde ornalasqan. Munda 492 adam turady.

«Órt nysanyna jaqyn jerde 3 eldi mekendegi halyqtyń jalpy sany shamamen 1 086 myń adam. Qazir tańda 710 turǵyn Taraz qalasyna evakýatsııalandy. Jambyl polıtehnıkalyq kolledji men Temirjol kolledjiniń, Qazaq-túrik kolledji men Taraz servıs jáne tehnologııa kolledjiniń, Qant-zaýyt kolledji men №5, 6, 10, 44, 23, 9, 12, 8, 54,53 orta mektepterdiń bazasynda daıyndalǵan evakýatsııalaý beketterin 128 adam panalaýda. Qalǵan 582 adam týystarynyń úıine ketken. Halyqqa aqparattyq jáne psıhologııalyq kómek kórsetý úshin eki jedel jeli ashyldy. TJM telefondary – 33-32-89, 53-32-79, TJD telefondary – 8 [phone], 51-37-75, [phone]», - dep jazady mınıstrliktiń baspasóz qyzmeti.

Aıta keteıik, 26 tamyz kúni saǵat 19:00-de Jambyl oblysynyń Baızaq aýdanynda ornalasqan áskerı bólim qoımalarynyń birinen órt shyǵyp, jarylys boldy.

Sońǵy resmı derekter boıynsha, Jambyl oblysyndaǵy jarylystan 4 áskerı qyzmetshi qaza tapqan.

Jambyl oblysy ákiminiń baspasóz qyzmeti aýrýhanada jarylystan zardap shekken 27 adam jatqanyn habarlady. Onyń altaýynyń jaǵdaıy aýyr.

Qorǵanys mınıstri Nurlan Ermekbaevtyń aıtýynsha, jarylystan bolǵannan beri 3 áskerı qyzmetshimen jáne tótenshe jaǵdaılar departamentiniń birneshe mamanymen baılanysý múmkin bolmaı tur.