«Jaryq kerýeni»: sırııalyq bosqyndar Túrkııadan EO-ǵa kóshi-qon sherýin josparlap otyr
Naýqan Telegram messendjerindegi arna arqyly úılestirilgen, oǵan 85 myńǵa jýyq adam qosylyp úlgerdi.
Shekaradan jaıaý ótetin bolǵandyqtan, aktsııany uıymdastyrýshylar mıgranttardy shatyrlar men qajetti zattaryn daıyndaýǵa shaqyrdy. Kerýen 50 adamnan turatyn toptarǵa bólinip, árqaısysyna jaýapty adam jetekshilik etedi.
Naýqannyń jelidegi paraqshasynda Eýropa elderimen shekaraǵa qaraı kerýen qozǵalysynyń bastalý kúni men ýaqyty týraly eshteńe aıtylmaǵan.
Uıymdastyrýshylar ózderiniń attaryn jarııalamaı otyr jáne Eýropadaǵy quqyq qorǵaý uıymdaryna Túrkııadan Eýropaǵa qonys aýdarýdy jeńildetý týraly ótinishpen júgingen.
«Biz, túrik jerindegi sırııalyqtar, osy jaqtaǵy bosqyndarǵa qoldaý kórsetýlerińizdi suraımyz. Biz halyqaralyq jáne quqyq qorǵaý uıymdarynan, sondaı-aq BAQ ókilderinen kómek suraımyz», - delingen aktsııany uıymdastyrýshylardyń málimdemesinde.
Olar sondaı-aq, óz jazbalarynda «túrik halqy men memleketine rızashylyqtaryn» bildirgen. Endi olar Túrkııanyń sırııalyqtardy qabyldaǵan on jyl boıǵy «aýyrtpalyǵyn jeńildetýdi» qalaıdy. Bul úshin, uıymdastyrýshylardyń aıtýynsha, olar Eýropaǵa jetýge kómek kerek.
Túrkııadaǵy kóptegen sırııalyq bosqyndar, ásirese Túrkııanyń jaqynda Damaskige qatysty kózqarasy ózgergennen keıin jáne resmı tulǵalardyń, sonyń ishinde Túrkııa Syrtqy ister mınıstri Mevlıýt Chavýshoǵlýdyń Sırııa rejımimen tatýlasý jáne eki tarap arasyndaǵy saıası qarym-qatynasty retteý týraly málimdemelerinen keıin, ózderin keri qaıtarady dep qorqady.
«Osy ýaqytqa deıin biz kolonnanyń ótýine resmı ruqsat alǵan joqpyz, óıtkeni onyń bastalý kúnin belgilegen joqpyz. Biz kolonnanyń ótýin jeńildetý úshin ruqsat surap jatyrmyz», - delingen uıymdastyrýshylardyń Facebook-tegi resmı paraqshasynda.
Al, BUU bosqyndar isi jónindegi Joǵarǵy komıssarynyń basqarmasy sırııalyq bosqyndarǵa Bolgarııa nemese Gretsııa arqyly Túrkııadan Eýropaǵa jetýdi josparlap otyrǵan kerýenge qosylmaý qajettigi, munyń saldary kúrdeli bolýy múmkindigi týraly eskertti.
Búginde BUU málimetteri boıynsha Túrkııada resmı túrde 3,6 mln sırııalyq bosqyn turyp jatyr.
Foto: elaphjournal.com