Jarty jylda jol-kólik oqıǵalarynan 1 myńnan asa adam baqılyq boldy

ASTANA. QazAqparat - Bıyl jarty jyldyń ishinde jol-kólik oqıǵalarynan 1 myńnan asa adam kóz jumyp, 10 myńnan astamy jaraqattandy, dep habarlaıdy QR Bas prokýratýrasy Quqyqtyq statıstıka jáne arnaıy esepke alý komıtetiniń baspasóz qyzmeti.

«JKO-da 1015 (1167) adam qaza tapty jáne 10 911 (10 837) adam jaralandy. Bul rette, qaza bolǵandardyń eń kóp sany Almaty - 198 (206), Ońtústik Qazaqstan - 159 (200), Jambyl - 90 (113), Shyǵys Qazaqstan - 71 (66), oblystarynda jáne Almaty qalasynda - 60 (63) tirkeldi», - delingen habarlamada.

2014 jyldyń 6 aıyndaǵy jol-kólik oqıǵalaryn jáne odan zardap shekken adamdardy esepke alý málimetterine sáıkes, Respýblıka boıynsha barlyǵy 8608 JKO tirkelgen, al 2013 jyldyń tıisti kezeńinde 8462 JKO tirkelgen bolatyn.

«Eger árbir oblys bóliginde qaraıtyn bolsaq, jol-kólik oqıǵalarynyń kópshiliginiń Almaty q. - 2425 (2013), Ońtústik Qazaqstan - 1408 (1442), Almaty - 799 (695), Shyǵys Qazaqstan - 580 (617), Jambyl - 549 (690) oblystarynda jasalǵany baıqalady», - delingen aqparatta.

Jasalǵan JKO-laryna jol qozǵalysy erejelerin saqtamaý, atap aıtqanda jyldamdyqty arttyrý - 2517, jaıaý júrginshiler joldarynan ótý tártibin buzý kezinde - 912, qarsy qozǵalys jolyna shyǵý - 624, jaıaý júrginshilerdiń joldardyń belgilenbegen bólikterinen ótýi - 461, kólikti mas kúıinde basqarý saldarynan - 326, basqa sebepterden - 2438 fakti oryn alyp otyr.