Jarty jylda tabıǵı jáne tehnogendik tótenshe jaǵdaılardan 2,5 mlrd shyǵyn keldi

ASTANA. QazAqparat – Bıyl alty aı ishinde Qazaqstanda tirkelgen tabıǵı jáne tehnogendik sıpattaǵy tótenshe jaǵdaılar sany byltyrmen salystyrǵanda 7,3%-ǵa kóp, dep habarlaıdy QazAqparat tilshisi.

«Jyl basynan beri 6 200 tabıǵı jáne tehnogendik sıpattaǵy tótenshe jaǵdaı jáne oqıǵalar tirkeldi. Bul ótken jyldyń sáıkes kezeńimen salystyrǵanda 7,3%-ǵa kóp. Onyń saldarynan 858 adam zardap shegip, 316 azamat qaza tapty. Keltirilgen materıaldyq shyǵyn 2 mlrd 584 mln 85 myń teńge. Tehnogendik sıpattaǵy 5 647 tótenshe jaǵdaı oqıǵa tirkelgen. Odan 480 adam zardap shegip, 222 adam kóz jumdy», - dep jazylǵan Tótenshe jaǵdaılar mınıstrliginiń saıtynda jarııalanǵan jarty jyl ishindegi jumystardyń esebinde.

Vedomstvo aqparatyna saı, tehnogendik sıpattaǵy jaǵdaılardyń 91%-y óndiristik jáne turmystyq órtterge tıesili. Atap aıtqanda, jarty jalda 5 139 órt bolyp, odan 346 adam zardap shekti jáne 194 adamdy ajal qushty. Sonymen qatar bul oqıǵalardan 2,2 mlrd teńge materıaldyq shyǵyn keldi.