Jarty jylda otandyq bankter 1 trln teńgeden astam tabys tapty
«Korporatıvtik nesıeleý máselesin túbegeıli sheshý qajet. Ekonomıkaǵa aqsha kerek. Ótken jyly bankterdiń taza paıdasy bir jarym trıllıon teńge, bıyl birinshi jarty jyldyqta trıllıon teńgeden asty. Kiristiń artýy bankterdiń tıimdi jumysynyń nátıjesi emes, negizinen Ulttyq bank ınflıatsııamen kúresý úshin paıdalanatyn joǵary bazalyq mólsherlemeniń nátıjesi. Úkimet pen Parlament memlekettiń múddelerin eskere otyryp, osy paıdany neǵurlym ádil qaıta bólýdi qarastyrýy kerek», - dedi Qasym-Jomart Toqaev Qazaqstan halqyna Joldaýynda.
Memleket basshysynyń aıtýynsha, qarjy uıymdarynyń memlekettik baǵaly qaǵazdarǵa ornalastyrýdan túsken orasan tabystary da ózekti másele, olarǵa salyq salynbaıdy.
«Bul jerde logıka men memlekettik kózqaras joq. Úkimet qazirdiń ózinde osy paradoksaldy jaǵdaıdy túsinedi. Tıisti zańnamalyq túzetýler Májiliske engiziletin bolady. Depýtattardan olardy muqııat qaraýdy suraımyn», - dedi Memleket basshysy.