Jarty jylda Qazaqstanda 7,3 mln tonna munaı qaıta óńdeldi

ASTANA. QazAqparat - Qazaqstannyń munaı óńdeý zaýyttarynda qańtar-maýsym aralyǵynda 7 338,3 myń tonna munaı óńdeldi, bul 2016 jylǵy sáıkes kezeń kórsetkishinen 5,4%-ke kóp, dep habarlady QR Energetıka mınıstrliginiń baspasóz qyzmeti.

Vedomstvonyń derekterine sáıkes, Pavlodar munaı-hımııa zaýyty I-jartyjyldyqta 2648,7 myń tonna (+13,1%), PetroKazahstan Oıl Prodakts (Shymkent MÓZ) - 1895,5 myń tonna (-19,8%), Atyraý munaı óńdeý zaýyty - 2508,3 myń tonna (+19,6%) munaı óńdedi.

QR MÓZ-de: benzın - 1 544,8 myń tonna (+2,4 %), avıakerosın - 110,6 myń tonna (-20,5%), dızel otyny - 2 127,7 myń tonna (+4,9%), mazýt - 1 515,5 myń tonna (+11,1%) óndirildi.