Jarty jylda elimizde qansha janarmaı óndirildi
«Birinshi jartyjyldyqtyń qorytyndysy boıynsha zaýyttarda benzın óndirý kólemi Energetıka mınıstrligi bekitken jospardan artyǵymen oryndaldy. Josparda 2 mıllıon 400 myń tonnaǵa jýyq bolsa, is júzinde 2 mıllıon 600 myń tonna óndirdik. ıAǵnı bekitilgen josparǵa qaraǵanda 107 paıyz boldy. Onyń ishinde AI-95 benzıni boıynsha jospar artyǵymen oryndaldy, 417 myń tonnanyń ornyna 449 myń tonna óndirildi», - dedi D. Makeev elordada ótken baspasóz máslıhatynda.
Onyń aıtýynsha, avıaotyn boıynsha bekitilgen jospar 309 myń tonnan bolsa, atalǵan merzimde sonyń 303 myń tonnasy ǵana óndirilgen.
«Dızel otyny da artyǵymen óndirildi, jospar 2,5 mıllıon tonna bolsa, 2,7 mıllıon tonnaǵa jýyq ónim shyǵaryldy. Qazir AI-92 benzıni boıynsha 280 myń tonna qor bar, ıaǵnı bul kólem 24 kúnge jetedi. Al AI-95 benzıniniń jınaqtalǵan 50 myń tonnasy 19 táýlikke jetkilikti. Dızel otynynyń 430 myń tonna (26 kúndik) qory bar. Avıatsııalyq kerosınniń jınaqtalǵan 80 myń tonnasy 42 kúnge jetedi. Atap aıtqanda, janarmaı qory jetkilikti», - dedi kompanııa ókili.